Жайхун илҳомлари

Қорли лаҳзалар

Ёритади тунни фалак узра ой,

Сукунат ҳукмрон бўлган кўчада.

Сувлар ҳам музлаган ҳаттоки сойда,

Қиш...

Бу кўзларимнинг гўё ичида.

Яланғоч аҳволда турар дарахтлар,

Манзара ўзгача, кумуш либосда.

Мен сени учратган ўша вақтларда,

Минг хаёл сургандим нўхатдай бошда.

Қиш...

Эслатар менга ширин ўтмишни,

Қорли лаҳзаларим ўчмас ёдимдан.

Ҳаммадан қаттиқроқ севганман қишни,

Муҳрланиб қолган қиш ҳаётимда.

Қиш эслатар менга ширин ўтмишни...

Суннатулла Аҳмаджон.

Устозим

Қуллуқ, дейман доимо,

Менинг азиз устозим.

Ўргатар ўқиш, ёзиш,

Меҳрибоним устозим.

Юзларидан гўёки,

Нур сочилар офтобдек.

Ҳар ўқувчи кўнглига,

Йўл топади устозим.

М.ЙўлдОшева,

83-мактаб ўқувчиси.

Ука

Ука, десам келади,

Мен не десам қилади.

Мени яхши кўради,

Укажоним менинг.

Йиқилсанг-да, тур ука,

Қоқилсанг-да, юр ука.

Асло эмассан якка,

Укажоним менинг.

Доимо ғолиб бўлгин,

Ҳар кун олдинга юргин.

Кўп китоблар ўқигин,

Укажоним менинг.

Сардорбек Кенжабоев.

Омонат

Жар устида турибди дунё,

Қучоғида не бир синоат.

Қайтиб келмас мозийлар аро,

Бахт – омонат, қайғу – омонат.

Оиланинг буюк давлати,

Қадри баланд ота – омонат.

Жаннатларнинг ягона гули,

Бир фаришта она – омонат.

Қувончингга бўлғучи дилдош,

Яқинларинг сенга омонат.

Йўлларингда энг яхши йўлдош,

Дўст аталган бойлик – омонат.

Оққан дарё умрингга қиёс,

Ардоқласанг бўлар саломат.

Гўзал кунлар, таърифларга мос,

Ёшлик деган неъмат омонат.

Шоира ГУЛМОНОВА,

87-мактаб ўқувчиси.

Зиёкорим

Бизга билим ўргатган ,

Қалам тутқазиб қўлга.

Сўзлаб одоб-ахлоқдан,

Бошлаган ёруғ йўлга.

Зиё нурин таратган,

Кўнглимиз шод айлаган.

Тилаб энг баланд парвоз.

Дунёни англатган Устоз!

Лобарой Олимбоева,

 57-мактаб ўқувчиси.

ҚИШ

Қиш бағрида ўйнаймиз,

Ўйнаб, сира тўймаймиз.

Янги йилнинг завқини,

Юракларга жойлаймиз.

Оппоқ қор оғушида,

Юртнинг қорли қишида.

Бетакрор синоат бор,

Оқ кўрпа – кумушида.

Машҳура Ражабова,

82-мактаб ўқувчиси.