ТАДБИРКОРЛИК ФАОЛИЯТИНИ БОШЛАШ ИСТАГИДА БЎЛГАН ЁШЛАРГА МАСТЕР-КЛАСС ЎТКАЗИЛДИ
Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхоналари ҳузуридаги фаол тадбиркорлар, ҳуқуқшунослар ва тадбиркорларнинг бошқа вакилларидан иборат Тадбиркорлар жамоатчилик кенгаши самарали фаолият олиб бормоқда.
Жорий йилнинг 10 март куни Дўстлик маҳалласидаги 2-сонли касб-ҳунар мактабида Амударё туманидаги Бош вазирнинг Тадбиркорлар мурожаатларини кўриб чиқиш қабулхонаси ҳузуридаги Тадбиркорларнинг жамоатчилик кенгаши томонидан ёшларни тадбиркорликка йўналтириш, уларга тадбиркорлик соҳаси сир-асрорларини ўргатиш бўйича мастер-класс ташкил этилди.
Тадбирда Тадбиркорлар жамоатчилик Кенгаши раиси вазифасини вақтинча бажарувчи К.Ешманов ҳозирги кунда давлатимиз томонидан ёшларга яратилаётган имкониятлар ҳақида сўз юритди. Ёшларни иш билан таъминлашда уларнинг иқтисодий мустақилликка эришишлари ва ҳаётда ўз ўринларини топиб кетишларида кичик бизнес ва тадбиркорлик соҳасининг ўрни, ўзини ўзи банд этиш, бугунги кунда аҳолини, айниқса, ёшларни тадбиркорликка кенг жалб қилиш, хусусан, уларнинг бизнес ғояларини амалга оширишга ҳар томонлама кўмаклашиш борасида амалга оширилаётган кенг кўламли ишлар ҳақида тушунчалар берди.
Тадбирда иштирок этган ёшлар ўзларини қизиқтирган саволлари билан мурожаат қилдилар. Уларга тадбиркорлар ва Жамоатчилик кенгаши аъзолари батафсил жавоблар бердилар. Ўтказилган тадбир ёшларнинг тадбиркорлик фаолиятини бошлаш ва истакларини рўёбга чиқаришларида муҳим асос бўлиб хизмат қилади.
М.Ўрозбоев, тумандаги Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхонаси ҳузуридаги Тадбиркорлар жамоатчилик кенгаши котиби.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
