ҚУТУРИШ ВА БОТУЛИЗМ КАСАЛЛИГИНИНГ ОЛДИНИ ОЛИШ БЎЙИЧА СЕМИНАР ЎТКАЗИЛДИ
Кундалик турмушда инсонлар ҳаётига нафақат ёнғин, сув тошқини, ис газидан заҳарланиш ва бошқа турдаги фавқулодда ҳодисалар, балки касалликлар ҳам таҳдид солиши мумкин. Эҳтиётсизлик туфайли кутилмаганда саломатликка зиён етказадиган ана шундай қутуриш ва ботулизм касалликлари қанчадан-қанча одамларнинг умри қисқаришига сабаб бўлиб келаётганлиги барчага маълум. Ушбу касалликлар тўғрисида батафсил маълумот бериб бориш, аҳоли ўртасида тушунтириш-тарғибот тадбирларини мунтазам равишда ўтказиб бориш ундан зарар кўришнинг олдини олишда муҳим аҳамиятга эга ҳисобланади.
Шу мақсадда Амударё туманидаги 40-сонли умумтаълим мактабида туман Фавқулодда вазиятлар бўлими ва Халқ таълими бўлими ходимлари томонидан фавқулодда содир бўладиган ҳодисаларда хавфдан сақланиш, хавфсизлик қоидаларига амал қилиш бўйича ўқувчи-ёшларда тушунча, кўникма ҳосил қилиш мақсадида семинар ташкил этилди. Семинарда ўқувчилар билан бирга мактаб директорлари ва ўринбосарлари, ўқитувчилар, мактабнинг техник ходимлари ҳам иштирок этдилар.
Ушбу семинарда мактаб бинолари ва аҳоли уйларида ҳар хил фавқулодда вазиятлар, яъни ис газидан заҳарланиш, ёнғин, қутуриш, ботулизм касалликларининг олдини олиш чоралари ҳақида батафсил маълумот берилди.
Тадбир давомида маҳалла, овул фуқаро йиғинлари томонидан ит сақловчи фуқаролар тўғрисидаги маълумотларни ўз вақтида ветеринария идораларига тақдим этиш, бу бўйича суҳбатлар ташкил қилиш ва профилактик тарғибот ишларини кучайтириш қутуриш касаллигининг олдини олишда муҳим аҳамиятга эгалиги айтиб ўтилди. Ботулизм касаллиги келтириб чиқарадиган оммавий заҳарланишнинг олдини олиш учун ҳам уй шароитида консерва маҳсулотларини тайёрламаслик, зарарланган мева-сабзавотларни ишлатмаслик кераклиги тарғиб қилиниши лозимлиги тўғрисида сўз юритилди.
Семинарда мактаб директорининг хўжалик ишлари бўйича ўринбосарларига қоровуллар ва иссиқлик таъминоти бўйича ишчилар хизмат вазифаларини тартибга кўра бажаришлари, тасдиқланган рўйхат асосида ўз вақтида хизмат жойларида бўлишлари ва сергак хизмат олиб боришларини мунтазам равишда назорат қилиш кераклиги, бу хавфли ҳодисаларнинг олдини олишда муҳим аҳамият касб этиши тушунтирилди. Бирламчи ёнғин ўчиргичларидан тўғри фойдаланишни билиш, ёнғин ўчириш қалқонидаги асбоблардан бошқа мақсадларда фойдаланмаслик кераклиги таъкидлаб ўтилди. Эвакуация чиқиш чизмалари кўринарли жойда туриши, ўқувчилар бундан хабардор бўлишлари кераклиги ва чиқиш эшиклари ҳар хил воситалар билан тўсмаслик, зиналар ва ертўлаларда тез алангаланувчи маҳсулотларни қўймаслик лозимлиги айтиб ўтилди.
Туман Фавқулодда вазиятлар бўлими ходимлари ёнғиндан хабар бериш мосламалари доимо тайёр ҳолатда сақланиши, иситиш печларининг ўз вақтида ёқилиши назорат қилиниши, қозонхоналарга ўрнатилган насосларни ишлатишда хавфсизлик қоидаларига доим эътиборли бўлиш кераклигини тушунтирдилар. Шунингдек, туман Халқ таълими бўлими масъуллари мактабда қаттиқ ёқилғи маҳсулотлари сақланиш ҳолати ва иситиш тизими қандай ишлатилаётганлигини кўздан кечириб, коммунал тизим бўйича муаммоли масалаларни ўз вақтида бартараф қилишни топширдилар.
Ўтказилган тадбир якунида мактаб ўқитувчи ва ўқувчилари томонидан йўлланган саволларга атрофлича жавоб берилди. Ўқувчилар қутуриш ва ботулизм касаллиги билан курашиш нафақат ветеринария, тиббиёт ва бошқа тегишли ташкилотларнинг иши, балки кенг жамоатчилик, қолаверса ҳар бир фуқаронинг ҳам бурчи эканлиги тўғрисида кенг тушунчаларга эга бўлдилар.
Б.Тажибоев, Амударё тумани ФВБ ФВДТ ва ФМ ФТЭ, ХТБ бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
