“Касаба уюшмаси кубоги” спорт мусобақаларининг ҳудуд ва туман босқичлари ўтказилди
Амударё туманида таълим соҳаси ходимлари ўртасида «Касаба уюшмаси кубоги» спорт мусобақалари ўтказилди.
«Беш ташаббус олимпиадаси» доирасида ташкил этилган мазкур спорт байрами «Соғлом танда — сифатли таълим» шиори остида ўтди. Мусобақада Мактабгача ва мактаб таълими вазирлиги тизимидаги муассасалар ходимлари ўз маҳоратларини намойиш этдилар.
Биринчи босқич: Ғолиблар сараланди Жорий йилнинг 6-7 апрель кунлари туманнинг 8 та ҳудудида мусобақанинг илк босқичи бўлиб ўтди. Унда жами 256 нафар ходим ғолибликни қўлга киритиб, туман босқичида иштирок этиш йўлланмасини қўлга киритди.
Кескин ва муросасиз баҳслар 8 апрель куни Амударё ихтисослаштирилган мактабида волейбол, шахмат, шашка ва стол тенниси бўйича иккинчи босқич беллашувлари бўлиб ўтди. Натижаларга кўра, қуйидаги иштирокчилар шоҳсупанинг энг юқори поғонасидан жой олдилар:
-
Шахмат: Гўзал Кенжабаева (80-мактаб) ва Ойбек Болтабаев (67-мактаб);
-
Шашка: Дилноза Юлдашева (2-мактаб) ва Амин Эшимбетов (6-мактаб);
-
Стол тенниси: Фотима Шамуратова (64-мактаб) ва Дониёр Юлдашев (40-мактаб);
-
Волейбол: 28-сонли мактабнинг аёллар жамоаси ва 5-сонли мактабнинг эркаклар жамоаси.
9 апрель куни 40-сонли мактабнинг спорт майдонида мини-футбол бўйича баҳслар ўтказилди. Унда маҳоратли ўйини билан ажралиб турган 7-сонли умумтаълим мактаби жамоаси ғолибликни қўлга киритди.
Рағбат ва истиқбол Мусобақа якунида ғолиб ва совриндорлар Ўзбекистон таълим ва фан ходимлари касаба уюшмаси Амударё туман бўлинмаси кенгаши томонидан диплом ҳамда қимматбаҳо совғалар билан тақдирландилар. Эндиликда ушбу ғолиблар мусобақанинг учинчи босқичида туман шарафини ҳимоя қиладилар.
Улуғбек АБДУРАҲМОНОВ, Таълим ва фан ходимлари касаба уюшмаси Амударё туман бўлинмаси кенгаши раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
