Тест синовлари жараёнидаги янгиликлар нималардан иборат? Мутахассис жавоб берди
Сўнги йилларда таълим тизимига алоҳида эътибор қаратилиб, ёшларни олий таълим билан қамраб олиш кўрсаткичи ошди. Шунингдек, олий таълим муассасаларига кириш тест синовлари бўйича бир қатор янгилик ва ўзгартиришлар киритилмоқда. Таълим соҳасидаги янгиланишлар ҳамда ўқишга қабул қилишда қўлланиладиган имтиёзлар ҳақида хабардор бўлиш эса ҳар бир абитуриент учун муҳим.
Шу мақсадда Билим ва малакаларни баҳолаш агентлигининг Қорақалпоғистон Республикаси бўлими томонидан жойларда “Ҳуқуқий ахборотни тарқатиш ва ундан фойдаланишни таъминлаш тўғрисида”ги Ўзбекистон Республикаси Қонунининг 7-моддаси асосида ўз соҳа фаолиятига доир норматив-ҳуқуқий ҳужжатлар мазмун-моҳияти ва аҳамиятини тушунтириш юзасидан манзилли тарғибот тадбирлари ўтказилмоқда. Чекка ҳудудлар ҳам қамраб олинаётган учрашувларда олий таълим муассасаларига ўқишга қабул қилишда қўлланиладиган имтиёзлар тизими, кириш тест синовларидаги янгилик ва ўзгаришлар аҳоли орасида кенг тарғиб қилинмоқда.
Яқинда Амударё туманидаги Ихтисослаштирилган мактабда ҳам Билим ва малакаларни баҳолаш агентлигининг Қорақалпоғистон Республикаси бўлими томонидан ана шундай учрашув ташкил этилди.
Учрашувда сўнгги йилларда мамлакатимизда таълим-тарбия сифати ва самарадорлигини ошириш бўйича олиб борилаётган кенг кўламли ишлар ҳақида агентликининг Қорақалпоғистон Республикаси бўлими бошлиғи Музаффар Абдуллаев батафсил маълумот бериб ўтди. Шунингдек, учрашув очиқ мулоқот тарзида давом этиб, тест синовлари жараёнидаги янгиликлар, киритилаётган ўзгаришлар, имтиёзларнинг қўлланилиши, сертификатлаштириш тизими ҳақида батафсил маълумотлар берилди.
Учрашувда давлатимиз раҳбарининг “Ўзбекистоннинг янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида”ги Фармони ҳамда “Таълим-тарбия тизимини янада такомиллаштиришга оид қўшимча чора-тадбирлар тўғрисида”ги, “Умумтаълим фанларини билиш даражасини баҳолашнинг миллий тест тизимини жорий қилиш тўғрисида”ги Қарорларининг мазмун-моҳияти очиб берилди.
Мазкур қонун ҳужжатлари билан олий таълим муассасаларига ўқишга кириш учун имтиҳон топшираётган абитуриентларга бир қатор имтиёзлар белгиланган. Жумладан, чет тили фанларидан миллий ёки халқаро сертификатга, шунингдек, ўқувчи умумтаълим фанларидан билиш даражасини баҳолаш бўйича миллий сертификатга эга бўлганда, кириш тест синовларида танлаган таълим йўналишида мазкур фан мавжуд бўлса, эгаллаган даражасига мос максимал ёки пропорционал балга эга бўлади. Тест натижалари халқаро методика – Раш модели асосида ҳисобланиб, талабгорларга тўплаган бали асосида сертификат тақдим этилади.
Бунда A+; A; B+; B; C+ ва C даражали сертификатлар берилади. Сертификатга эга абитуриентларга ОТМларнинг бакалавриатига кириш тест синовларида А+, А даражали сертификат учун — тегишли мутахассислик фанидан максимал балл, B+, B, С+, С даражали сертификат учун — тегишли мутахассислик фанидан пропорционал балл, A+, A, B+, B, С+, С даражали сертификат учун эса тегишли мажбурий фандан максимал балл берилиши белгиланган. Шунингдек, академик лицейларга кириш тест синовларида сертификатга эга ўқувчиларга ҳам тегишли фандан максимал балл берилади.
Учрашув давомида абитуриентлар учун шу ва бошқа фойдали маълумотлар бериб ўтилди. Иштирокчилар ҳам жараён мобайнида ўзларини қизиқтирган саволларга тўлиқ жавоблар олдилар.
Азиза Мадраҳимова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
