Ilgʻor xorijiy tajribalarni joriy qilish maqsadida “Muvaffaqiyatli islohotlar – yuqori natijalar” nomli seminar-trening oʻtkazildi
Soʻngi yillarda mamlakatimizda maktabgacha va maktab taʼlimi tizimini rivojlantirish boʻyicha bir qator chora-tadbirlar amalga oshirilmoqda. Hududlarda Singapurning “Marshall Cavendish Education” tashkiloti bilan hamkorlikda tashkil etilgan tadbirlar sohaga ilgʻor xorijiy tajribalarni joriy etishga xizmat qilyapti.
Amudaryo tumanida “Muvaffaqiyatli islohotlar – yuqori natijalar” mavzusida tashkil etilgan seminar-treningda umumtaʼlim maktablari direktorlari, direktorlarning oʻquv ishlari boʻyicha oʻrinbosarlari hamda tajribali pedagoglar ishtirok etishdi.
Tadbirdan asosiy maqsad – Oʻzbekistonda umumiy oʻrta va maktab taʼlimini tizimli isloh qilish, oʻsib kelayotgan yosh avlodni maʼnaviy-axloqiy va intellektual rivojlantirishni sifat jihatidan yangi darajaga koʻtarish, mamlakatimizning xalqaro miqyosda oʻquvchilarni baholash dasturlari reytingi boʻyicha jahonning ilgʻor mamlakatlari qatoriga kirishiga erishishdan iboratdir.
Seminar doirasida Singapur tajribasi asosida “Marshall Cavendish Education” tashkiloti bilan hamkorlikda aniq va tabiiy fanlar boʻyicha ilgʻor xorijiy tajribalarni umumiy oʻrta taʼlim maktablarida ommalashtirish, maktab rahbarlari va oʻqituvchilar malakasini oshirish, ularni kasbiy rivojlantirishga doir ilgʻor tajribalarni almashish, oʻquvchilar bilimi va koʻnikmalarini baholash hamda rivojlantirishda sunʼiy intellekt imkoniyatlaridan keng foydalanish, taʼlimni raqamlashtirish boʻyicha soha mutaxassislarining mavjud bilimlarini oshirish boʻyicha ekspertlarning maʼruzalari tinglandi.
Taʼkidlanganidek, Singapur taʼlimga oid nufuzli tadqiqotlar natijalariga koʻra dunyoda yetakchi mamlakatlardan biri boʻlib, taʼlimga sarmoya kiritish, inson kapitalini rivojlantirishga eʼtibor qaratish orqali mamlakat taraqqiyotiga erishgan davlat sifatida eʼtirof etiladi. Bugungi kunda Oʻzbekiston Respublikasi Maktabgacha va maktab taʼlimi vazirligi tomonidan mamlakatdagi maktab direktorlari va oʻqituvchilar malakasini oshirish, maktablar oʻquv dasturini takomillashtirish hamda unga raqamli texnologiyalarni joriy qilish boʻyicha Singapurning “Marshall Cavendish Education” tashkiloti bilan hamkorlik aloqalari oʻrnatilgan. Hamkorlik dasturiga koʻra taʼlim muassasalarida maktab direktorlar hamda matematik va tabiiy-ilmiy savodxonlikni rivojlantirish yoʻnalishlari boʻyicha treninglar olib borilmoqda.
Amudaryo tumanida oʻtkazilgan seminarda ham mutaxassislar uchun kasbiy rivojlantirish, sohadagi yangiliklarni boʻlishish, oʻz faoliyati davomida yuzaga keladigan muammolarni hal qilish boʻyicha tajribalar oʻrgatildi. Kaskad usulida olib borilgan seminar-treninglarda maktab rahbarlari “Menejerlar”, matematika va tabiiy fanlar boʻyicha pedagoglari esa “Master trenerlar” sifatida maxsus tayyorgarlikdan oʻtkazildi.
Seminar ishtirokchilarining barcha savollariga ekspertlar tomonidan toʻliq javob berildi. Ishtirokchilar Singapur yondashuvlaridan foydalanib, innovatsion dars oʻtish usullarini oʻzlashtirdilar va oʻz navbatida yangi oʻquv yilidan boshlab oʻquvchilarga yangi bilim va koʻnikmalarni yetkazadilar.
Rayhon Yakubova, tuman Maktabgacha va maktab taʼlimi boʻlimining Maktablar faoliyatini muvofiqlashtirish shoʻʼbasi metodisti
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
