56-SONLI MAKTABNING BOShLANGʻICh SINF OʻQUVChILARI “OʻLKAMIZGA BAHOR KELDI” DEB NOMLANGAN TADBIR OʻTKAZIShDI
Yurtimizga fasllar kelinchagi boʻlgan bahor keldi. Fasli navbahor kirib kelishi bilan tabiatdagi yangilanishlar qalblarga koʻchib, kayfiyatlar chogʻ boʻladi. Shunday kunlarda el orasida Navroʻzi olam tantanalari boshlanib, keng nishonlanadi.
14-mart kuni 56-sonli maktabda ham ushbu bayram munosabati bilan “Oʻlkamizga bahor keldi” deb nomlangan musiqiy-maʼrifiy tadbir oʻtkazildi. Koʻp yillik ish tajribasiga ega boʻlgan boshlangʻich sinf oʻqituvchisi Gulnora Ortiqova tomonidan 2-“V” sinf oʻquvchilari bilan hamkorlikda tashkil etilgan bayram tadbiriga maktabning oʻqituvchi va oʻquvchilari, ota-onalar ham taklif etildi.
Tadbir boshlanishida soʻzga chiqqanlar barchani bahor bayramlari, Navroʻzi olam bilan tabriklashdi va koʻklam faslidagi bajariladigan ishlar, boʻlib oʻtadigan bayramlar haqida gapirib, el-yurtga rizq, baraka tilashdi.
Oʻquvchilar tadbirga tashrif buyurgan onajonlarga bagʻishlangan sheʼrlar aytishdi va boshlariga toj kiydirib, ularni xursand qilishdi. Qizaloqlar “Ona qizim” qoʻshigʻiga raqs tushib, tadbirga fayz kiritishdi. Shundan soʻng, davraga tarovatli Bahoroy bilan Dehqon bobo kirib kelishdi va oʻquvchilar ijrosidagi koʻklamga bagʻishlangan sheʼrlar, aytishuvlar, milliy oʻyinlar, qoʻshiqlar tinglandi. Tadbirda namoyish etilgan “Kim oladi, shuginani”, “Boychechagim”, “Qizalogʻim” kabi qoʻshiq va raqslar barchaga xushnudlik baxsh etdi.
Koʻtarinki ruhda oʻtgan bayram tadbiri barchaga zavq va bayramona kayfiyat ulashdi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
