JINOYaTChILIK, HUQUQBUZARLIKLARNING OLDINI OLISh – DOLZARB VAZIFA

Yoshlar kelajagiga eʼtibor va gʻamxoʻrlik bugungiday dolzarb ahamiyat kasb etgan emas. Chunki shiddat bilan kechayotgan globallashuv jarayonida ularni yot gʻoyalardan asrash, boʻsh vaqtlarini mazmunli oʻtkazish, maftura maydonining turli xurujlaridan himoya qilish va maʼnaviy yetuk qilib voyaga yetkazish juda muhim.

Buningdek dolzarb vazifa ijrosiga hissa qoʻshish maqsadida “Amudaryo televideniyesi” tahririyati Oliy Majlis huzuridagi noadvlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi taʼsis etgan “Yoshlarning maʼnaviy-ruhiy va intellektual salohiyatini oshirish” nomli grant tanlovida “Yuksak maʼnaviyatli va axloqli yoshlar – kelajak poydevori” nomli loyihasi bilan qatnashib, gʻolib boʻldi va amalga oshirib kelmoqda.

Yaqinda tahririyat xodimlari ushbu loyiha ish rejasiga muvofiq yoshlar oʻrtasida jinoyatchilikning oldini olish, jinoyat sodir qilishga moyil yoshlar bilan ishlashish, huquqbuzarliklarning sodir etilishiga yoʻl qoʻymaslik borasida qilinayotgan saʼy-harakatlar, qilinishi belgilanayotgan rejalar bilan tanishish maqsadida tumanimizning Boʻzyop ovulida boʻldilar.

Tuman markazidan 35 kilometr olisda joylashgan ushbu ovulda 1131 xonadonda 5991 nafar aholi istiqomat qiladi. Shundan 30 yoshgacha boʻlganlar 3279 nafarni tashkil etadi. Shu raqamning oʻziyoq ovul fuqarolar yigʻini raisi Rustam Toʻrayev, xotin-qizlar faoli Gulzoda Koʻbayeva, yoshlar yetakchisi Valibek Aminov, hokim yordamchisi Shavkat Duysenboyev va profilaktika inspektori Adham Yoʻldoshevlarning zimmasida yoshlar kamoli yoʻlida nechogʻlik masʼuliyali vazifalar turganligini koʻrsatadi.

Avvalo shuni qayd etish lozimki, hudud yoshlarining huquqbuzarliklar, jinoyatlar sodir etishining oldini olish, muqaddam jinoyat sodir etib, jazo muddatini oʻtab qaytgan fuqarolarning qayta jinoyat sodir etilishining oldini olish, probatsiya hisobida turuvchi 6 nafar fuqarolarning belgilangan tartib-qoidalarga amal qilishini nazorat qilish borasida ovul fuqarolar yigʻini masʼullari va profilaktika inspektori, hudud inspektor-psixologining hamkorlikdagi rejasi ishlab chiqilgan. Rejaga koʻra, yoshlar, voyaga yetmaganlar orasida yurtimizning amaldagi qonun-qoidalariga boʻysunish, qonunlarni hurmat qilish yuzasidan manzilli targʻibot tadbirlari olib borilayapti, tungi vaqtlarda yoshlarning bemaqsad yurishlari qattiq nazorat qilinayapti. Aholi tinch-osoyishtaligini saqlash, bandligini taʼminlash, ishsiz yoshlarni tadbirkorlikka jalb qilish borasida tizimli ishlar amalga oshirilayapti.

Bu haqda ovul fuqarolar yigʻini maʼmuriy binosida boʻlib oʻtgan yigʻilishda ham batafsil soʻz yuritildi. Mavzu yuzasidan loyiha ijrochilaridan biri Oygul Rajabova, ovul fuqarolar yigʻini xotin-qizlar faoli Gulzoda Koʻbayeva, profilaktika inspektori Adham Yoʻldoshev, yoshlar yetakchisi Valibek Aminov, koʻchaboshchi ayollar Jumabika Matyoqubova, Safargul Haytimbetova, Gulchehra Mirzagʻaliyevalar oʻz fikr-mulohazalarini bildirib oʻtdilar. Tadbirda yoshlarga eʼtiborni kuchaytirgan holda ularning maʼnaviyatini yuksaltirish, oilada ularning qiziqishlarini eʼtiborga olgan holda boʻsh vaqtlarida qiziqarli mashgʻulotlarga jalb qilish lozimligini taʼkilandi.

Sevara Ismoilova.