Soliq toʻlovidan qarzlarni sud tartibida, qarzdorning mulkidan undirish choralari koʻrilmoqda
Maʼlumki, soliqlarning byudjetlarga va byudjetdan tashqari jamgʻarmalarga oʻz vaqtida va toʻliq kelib tushmasligi – davlat iqtisodiyotining meʼyorida ishlashiga toʻsqinlik qiladi. Shuningdek, ish haqi, pensiya va nafaqalarning oʻz vaqtida toʻlanishiga, davlat ijtimoiy-iqtisodiy dasturlarining amalga oshirilishiga salbiy taʼsir koʻrsatadi.
Majburiy ijro byurosi Amudaryo tumani boʻlimi ish yurituviga joriy yil 1-dekabr holatiga jami 235,2 mlrd. soʻmlik 27036ta ijro hujjatlari olingan. Shundan 165,5 mlrd. soʻmlik 12317ta ijro hujjatlari tamomlanib, 121,9 mlrd. soʻmlik 8064ta ijro hujjatlari amalda undirilishi taʼminlangan. Ushbu davr mobaynida davlat foydasiga undiruvlar bilan bogʻliq 66,5 mlrd. soʻmlik 18907ta ijro hujjatlari ish yurituviga olingan. Shundan 47,1 mlrd. soʻmlik 8891ta ijro hujjatlari tugatilgan, 26,2 mlrd. soʻmlik 6329ta ijro hujjatlari amalda undirilishi taʼminlangan.
Jumladan, soliq qarzdorligi undiruvlari bilan bogʻliq 53,6 mlrd. soʻmlik 5698ta ijro hujjatlari ish yurituvga olingan. Shundan 40,5 mlrd. soʻmlik 3040ta ijro hujjatlari tamomlangan, 20,9 mlrd. soʻmlik 1490 ta ijro hujjatlari amalda undirilishi taʼminlangan.
Shu yil 6-dekabr kuni tuman prokuraturasi, IIB va Majburiy ijro byurosi xodimlari hamkorligida soliq va boshqa toʻlovlarni toʻlashdan boʻyin tovlayotgan qarzdorlardan qarzlarni undirish yuzasidan navbatdagi tadbir oʻtkazildi. Tadbir davomida Majburiy ijro byurosi tuman boʻlimi ish yurituvida boʻlgan ijro hujjati va Fuqarolik ishlari boʻyicha Amudaryo tuman sudining tegishli buyrugʻiga asosan qarzdor T.K.dan (ism oʻzgartirilgan) undiruvchi – Davlat soliq inspektsiyasi foydasiga 211 mln. 494 mingdan ziyod soliq qarzi hamda davlat foydasiga 8 mln. 459 mingdan ortiq davlat bojini undirish choralari koʻrildi. Qarzdor T.K.ning toʻlash imkoniyatini aniqlash maqsadida yashash manzili koʻzdan kechirildi, uning boshqaruvida boʻlgan avtomobili xatlovga olindi va vaqtincha saqlash uchun jarima maydoniga olib borib qoʻyildi.
Yurtimizning har bir fuqarosi zimmasidagi soliqlarni oʻz vaqtida toʻlab borishni unutmasligi, aslo befarq boʻlmasligi kerak. Chunki ushbu toʻlovlar mamlakat iqtisodiyotining barqaror rivojlanishini taʼminlashda muhim ahamiyat kasb etadi.
A.Roʻzmetov, tuman prokurori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
