Maqsadimiz – xalqimizga munosib turmush sharoitlari yaratishda koʻmaklashish

Oʻzbekiston Respublikasi Prezidentining 2019-yil 17-yanvardagi 5633-sonli “Aholi muammolari bilan ishlash tizimini yanada takomillashtirish chora-tadbirlari toʻgʻrisida”gi Farmoniga asosan Oʻzbekiston Respublikasi Prezidentining Amudaryo tumanidagi Xalq qabulxonasi tomonidan sektorlar, davlat organlari va boshqa tashkilotlarning uyma-uy yurish, murojaatlar bilan ishlash, ijtimoiy va boshqa obʼektlarda aniqlangan muammolarni hal qilish borasidagi faoliyatini tizimli oʻrganish, koʻrib chiqilishi majburiy boʻlgan taqdimnomalar kiritish, shuningdek, sektorlar faoliyatini baholashda ishtirok etish boʻyicha 2023-yilning ikkinchi choragi davomida samarali ishlar amalga oshirildi.

Oʻzbekiston Respublikasi Prezidentining Virtual qabulxonasiga 2023-yil 30-iyun sanasiga qadar tuman aholisi tomonidan jami 2 042ta masala boʻyicha murojaatlar kelib tushgan boʻlib, shundan, Oʻzbekiston Respublikasi Prezidentining veb-sayti orqali 174ta, veb-sayt Xalq qabulxonasiga 3ta, Ishonch telefoni orqali 1 582ta, Prezident pochtasi orqali 59ta, Prezident Xalq qabulxonasiga 39ta, turli darajadagi sayyor qabullar orqali 55ta, Xalq qabulxonasi pochtasidan 23ta, tuman Xalq qabulxonasi orqali 107ta murojaatlar kelib tushgan.

Yuqorida qayd etilgan 2  ming 42ta murojaatning 2 007tasi koʻrib chiqilgan boʻlib, ulardan 81,6 foizi qanoatlantirilgan. Shundan 49,3 foizi ijobiy hal qilingan, 31,5 foizi huquqiy maʼlumot berish orqali hal qilingan boʻlsa, 15tasi uzoq muddatli nazoratga olingan. 297tasiga tushuntirish berilib, 4tasi koʻrib chiqilmoqda va 8tasi rad etilgan, 60tasi tugatilgan, 2tasi maʼlumot uchun qabul qilingan va 35tasi ayni paytda koʻrib chiqish jarayonida.

Oʻzbekiston Respublikasi Prezidentining Virtual qabulxonasiga 2023-yil 30-iyun sanasiga qadar tuman aholisi tomonidan bildirilgan 2 ming 42ta murojaatning 1 104tasi Amudaryo tumanidagi davlat organlari, idora va tashkilotlar tomonidan, 938tasi Qoraqalpogʻiston Respublikasi, viloyatlar, Toshkent shahri hamda Respublikaning boshqa tuman va shaharlaridagi davlat organlari, vazirlik va boshqarmalari tomonidan oʻrganib chiqilgan.

2023-yil 30-iyun sanasiga qadar tumandagi sektor rahbarlari tomonidan oʻzlariga biriktirilgan mahallalarda jami 112-marta ommaviy sayyor qabullar oʻtkazildi. Ushbu sayyor qabullarda jami 651ta murojaatlar qabul qilingan boʻlib, barchasi koʻrib chiqildi va mazkur murojaatlarning 93 foizi qanoatlantirildi, 69,7 foizi ijobiy hal qilindi. 153tasi huquqiy maʼlumot berish orqali hal qilingan boʻlsa, 44tasiga zarur tushuntirishlar  berildi.

Har bir murojaat ortida inson va uning hayot tarzi, taqdiri bor. Bizning vazifamiz ana shu insonlar – xalq oldidagi  masʼuliyatli burchimizni sharaf bilan ado etish va xalqimizning munosib sharoitlarda yashashi uchun zarur boʻlgan shart-sharoitlarni yaratishda yaqindan yordam berishdir.

E.Rajabov,

Oʻzbekiston Respublikasi Prezidentining

Amudaryo tumanidagi Xalq qabulxonasi mudiri.