MAʼNAVIYaT VA MADANIYaT – UChINChI RENESSANSNING NEGIZI
Respublika Maʼnaviyat va maʼrifat markazi faollari va bir guruh maʼrifat targʻibotchilarining Oʻzbekiston xalqiga yoʻllagan murojaatnomasini oʻqir ekanman xayolimdan millat kelajagi, tilimiz, urf-odatlarimiz, ming yilliklarni tutashtirgan qadriyatlarimiz, ota-bobolarimizning meroslari va bugungi yoshlar koʻz oldimdan bir-bir oʻtdi.
Har birimiz bilamizki, millatimiz, davlatimiz davomchilari boʻlmish yoshlarimizning qalbiga, ongiga global davrning kuchli taʼsiri bor. Yoshlarimizning maʼnaviy-maʼrifiy dunyosini, taʼlim-tarbiyasini, intellektual salohiyatini shakllantirishda ustoz-oʻqituvchilar, madaniyat-maʼnaviyat sohasi xodimlarining jonkuyarligini alohida tilga olish joiz. Chunonchi, ular jamiyatni, millatni, Vatanni sevishga, sadoqat bilan xizmat qilishga chorlab, daʼvat qilayotgan maʼnaviyat fidoyilaridir.
Murojaatnomada yoshlarga qarata “Vatanni sevish, xalqimizga sadoqat bilan xizmat qilishda Jaloliddin Manguberdi, Amir Temur, Zahiriddin Muhammad Bobur, maʼrifatparvar jadid bobolarimizning shonli anʼanalarini ardoqlab, ularni munosib davom ettiring. Taʼlim-tarbiya, kichik biznes va xususiy tadbirkorlikni oʻrganishda, zamonaviy kasb-hunarlar, raqamli iqtisodiyot koʻnikmalarini puxta egallashda, jahon maydonidagi raqobatda xorijdagi tengdoshlaringizdan aslo kam emasligingizni amalda isbotlang. Siz bunga har tomonlama qodirsiz” deyilgan. Darhaqiqat, murojaatnomada taʼkidlanganidek, yoshlarimiz – xalqimiz umid va ishonch bilan koʻz tikkan kelajak bunyodkorlaridir. Ularni har xil buzgʻunchi gʻoyalar, yot mafkuralar taʼsiridan asrash, bilim va tafakkurini bunyodkorliklarga, ezguliklarga yoʻnaltirish, azaliy qadriyatlarimizni, maʼnaviy boyliklarimizni qadrlashga, asrab-avaylashga oʻrgatish barchamizning eʼtiborimizda boʻlishi kerak. Yurtimiz, millatimiz farzandlari, yoshlari hammamizning farzandimiz, ularni kelajak uchun munosib insonlar qilib tarbiyalashga masʼulmiz.
Aziz yurtdoshlar, qadrli ustozlar, muhtaram mahalla faollari, barchamiz Yangi Oʻzbekistonning, Uchinchi Renessansning poydevorini barpo etishda jipslashaylik! Birgalikda ulkan marralarni zabt etaylik! Farovon jamiyat qurishdek ulugʻ maqsad yoʻlida birgalikda harakat qilaylik!
Vatanimiz, millatimiz, tilimiz, qadriyatlarimiz or-nomusimiz, anʼanalarimiz va oʻzligimizni sadoqat bilan himoya qilishda bir yoqadan bosh chiqarib, bir jon-u, bir tan boʻlaylik!
Zulfiya Ollayorova, 1-sonli maktabning ijodiy-madaniy masalalar boʻyicha targʻibotchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
