MAŞAQQATLI MEHNATLAR EʼTIROFI
Fidoyilik! Bu bir qaraşda balandparvoz sözdek tuyulsa-da, zamirida bir insonning öz halovatini öylamay qilgan maşaqqatli mehnatlari, ertaga bugungidan ham unumli işlaş, umum manfaatiga hissa qöşiş yölidagi sof orzulari bor. Çor-atrofimizga nazar solsak, bunday toifa insonlar juda köp.
“Taraqqiyot közgusi” gazetasi maxsus muxbiri, el sevgan ijodkor, Qoraqalpoğistonda xizmat körsatgan jurnalist, Özbekiston Yozuvçilar uyuşmasi aʼzosi, qator badiiy, publitsistik asarlar muallifi Robiya Yöldoşevani men heç ikkilanmay yurtimiz fidoyilarining biri, degan bölardim.
Robiya bilan “Amudaryo haqiqati” (hozirgi “Taraqqiyot közgusi”) gazetasida jurnalistik faoliyatimizni deyarli baravar boşlaganmiz. U paytlarda gazeta haftasiga uç marta yoruğlikka çiqar, gazeta ijodiy xodimlari, bosmaxona işçilarining navbatçilari uçun iş to gazeta tayyor bölgunça – goh yarim keça, goh tonggaça davom etardi. Lekin heç kim bundan nolimas, oğrinmas, ertalab yana odatdagi işga şönğib ketaverardi. Çarçoq ham öz yöliga, gazetaning yangi soniga yoruğlikka imzo çekkan navbatçining zimmasida şu sonning har bir harfi uçun masʼuliyat borligini faqat soha xodimlarigina his qiladi. Lekin gazetaning hali siyohi qurib-qurimagan har yangi sonini qölingga olib, közlaring nuri, maşaqqatli mehnating, aziz umring baxşida etilganini his qilişning zavqi boşqaça.
Robiya Yöldoşeva umrining keyingi qirq yilga yaqin muddatining asosiy qismi “Taraqqiyot közgusi” gazetasida, qaynoq mehnat jarayonida keçdi. Bundan taşqari, “Soğindim”, “Amudaryo sabolari” nazmiy töplamlarini, “Adaşganlar qissasi” qissa va hikoyalar töplamini kitobsevar yurtdoşlarimizga taqdim etdi. Şu barobarida uzoq yillar tuman xotin-qizlar qömitasi qoşidagi ijodkor xotin-qizlar bilan işlaş Kengaşi raisi sifatida tumanda yaşab ijod etayotgan yigirma nafardan ziyod yoş ijodkorlarning kitoblari naşr etilişiga kömaklaşdi. 2017-yilda “Matbuotga baxşida umr” badiiy publitsistik, 2019-yilda “Ezgulik yölidagi matonat” tarixiy-publitsistik hujjatli qissa kitoblari naşrdan çiqdi.
Kiçkinagina jussasida olamça qudrat yaşiringan, hatto yillar ham kuç-ğayratiga öz taʼsirini ötkaza olmagan iqtidorli jurnalistni izlasangiz – doimo band holda körasiz. U “Taraqqiyot közgusi” gazetasi tahririyati naşriyoti”da çop etilayotgan turli janrlardagi kitoblarning deyarli barçasiga muharrirlik qiliş bilan çeklanmay, özi ham samarali ijod qiladi. Biri badiiy publitsistik, biri – hujjatli qissadan iborat ikki kitobi naşrga tayyorlanmoqda, keyingi yillarda yozilgan, vaqtli matbuotda yoritilgan, yoritilmagan şeʼrlari, hikoyalari bir emas, ikki kitob ham bölgulik.
Odam agar öz kasbini sevsa, maşaqqatlaridan ham zavq oladi, çarçamaydi. Şu bois ham iqtidorli ijodkor, Özbekiston Jurnalistlar ijodiy Uyuşmasi aʼzosi Robiya Yöldoşeva iş faoliyatidagi bunday yuklamalardan ortib, oilasida mehribon ona, tadbirli qaynona, sevimli buvi. Turmuş örtoği Rajabboy Qodirov bilan ikki öğil, bir qizni oliy maʼlumotli mutaxassis qilib, el xizmatiga qöşdi, kenjatoyi – oliygoh talabasi. Hovlisi atrofini örab turgan mevasi larzon boğ, tomorqasi Robiyaning işdan böş vaqtlarida işlab (dam olib emas), çarçoğini yozadigan maskani. Erta bahordan eng sara mevalarni, totli pomidor, bodringlarni hamkasblarga ilinib, kötarib keladi va bu işidan özi juda quvonadi.
Tinib-tinçimaydigan, boşqalardan farqli, bir-ikki çaqirim masofaga maşina poylab ham turmay, öz taʼbiriça “bir yugurib yetib oladigan”, faollikni hayotiy şioriga aylantirgan Robiya Yöldoşevaning hayotida joriy yilning 5-iyulida yana bir quvonçli voqea böldi: şu kuni tumanimiz köçaboşçilari va faollari bilan uçraşuvi çoğida Qoraqalpoğiston Respublikasi Jöqorği Kengesi raisi Amanbay Orinbayev unga “Vatan fidoyisi” kökrak nişonini topşirdi.
Ijodkorga mehnatlari buningdek eʼtirof etilişi ulkan maʼnaviy rağbat, ijodiy quvvat baxş etdi.
Biz hamkasblari öz nomimizdan va köp sonli gazetxonlar nomidan Robiya Yöldoşevani kökrak nişon bilan qizğin qutlab, yangi ijodiy çöqqilarni zabt etaverişini tilab qolamiz.
Oygul RAJABOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶