IJTIMOIY HAMKORLIK SAMARA BERMOQDA
Mamlakatimizda xotin-qizlar manfaaatlarini himoya qilish borasida amalga oshirilayotgan keng koʻlamli saʼy-harakatlar natijasida bugungi kunda ularning jamiyatimiz hayotidagi oʻrni va nufuzi tobora oshib bormoqda. Bunda Oʻzbekiston Respublikasi Konstitutsiyasi hamda boshqa qonun hujjatlarida ayollar huquqlarining kafolatlari oʻz ifodasini topgani, qator xalqaro hujjatlar, chunonchi, BMTning "Xotin-qizlar huquqlari kamsitilishining barcha shakllariga barham berish toʻgʻrisida”gi Konventsiyasi ratifikatsiya qilingani muhim omil boʻlayotir.
Har qaysi jamiyatning madaniy darajasi va maʼnaviy barkamolligi ayollarga boʻlgan munosabat bilan belgilanadi. Oqila, goʻzal ayollar oʻzlarining gʻamxoʻrligi, mehribonligi bilan nafaqat oila, shu bilan birga, butun jamiyatda sogʻlom muhitni saqlab turadilar. Yurtimizda xotin-qizlarga boʻlgan eʼtibor va gʻamxoʻrlik yanada yuqori bosqichga koʻtarilgani buning yorqin ifodasidir.
Davlat hamda jamoat tashkilotlari hamkorligida xotin-qizlarning ijtimoiy-siyosiy faolligini oshirish, bilim va malakasini yuksaltirish, oila, nikoh munosabatlarini tartibga solish borasida bir qator ishlar amalga oshirilayotgani eʼtiborga molik. Jumladan, oilalar mustahkamligiga taʼsir koʻrsatayotgan salbiy holatlar kompleks tarzda oʻrganilib, oilalarda ijtimoiy-maʼnaviy muhitni sogʻlomlashtirish, xotin-qizlar huquqlarini himoya qilish, ayniqsa, qizlarni kasb-hunarga yoʻnaltirishga qaratilgan chora-tadbirlar izchil roʻyobga chiqarilmoqda.
Shuningdek, FHDYo boʻlimlari xodimlari, xotin-qizlar qoʻmitalari, "Mahalla” xayriya jamoat fondi, sogʻliqni saqlash muassasalari, fuqarolarning oʻzini oʻzi boshqarish organlari hamda ommaviy axborot vositalari vakillari bilan hamkorlikda joylarda tashkil etilayotgan amaliy uchrashuvlar, huquqiy maʼrifat kunlari sogʻlom oilani shakllantirish, yosh oilalar totuvligini asrash, yigit-qizlarni oilaviy hayotga tayyorlash ishlarini samarali yoʻlga qoʻyishda muhim ahamiyat kasb etayapti. Shuningdek, xotin-qizlar oʻrtasida kichik biznes va xususiy tadbirkorlikni yanada rivojlantirish, ularni kasanachilik faoliyatiga keng jalb etish, ayniqsa, barkamol avlodni voyaga yetkazishda oilaning rolini oshirish, bunda davlat va nodavlat tashkilotlari hamkorligini yanada kuchaytirish boʻyicha amaliy ishlar qilinayotganini taʼkidlab oʻtish joiz.
Fuqarolar yigʻinlarining aholi, ayniqsa, yoshlar oʻrtasida olib borilayotgan maʼnaviy-maʼrifiy ishlari samaradorligini oshirishga ham alohida eʼtibor berilmoqda. Fondning tuman boʻlinmasi tomonidan "Oila – mahalla – taʼlim muassasasi hamkorligini yanada kuchaytiraylik” nomli qoʻllanma ishlab chiqildi. Tuman XTMFMTTE boʻlimi bilan birgalikda taʼlim muassasalari maʼnaviyatchilari hamda mahalla maslahatchilari ishtirokida seminarlar oʻtkazilmoqda. Qisqa qilib aytganda, ezgu maqsadlar yoʻlidagi ijtimoiy sheriklik – turmushimiz sifati oshishiga xizmat qilmoqda.
Gavxar ChIMBAYChIYeVA, "Mahalla” xayriya jamoat fondi tuman boʻlinmasi bosh mutaxassisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
