Xalq deputatlari Amudaryo tuman Kengashining ikkinchi sessiyasi toʻgʻrisida AXBOROT

2015-yil 6-fevral kuni tuman hokimligida Xalq deputatlari Amudaryo tuman Kengashining ikkinchi sessiyasi boʻlib oʻtdi. 

Xalq deputatlari tuman Kengashining ikkinchi sessiyasiga xalq deputatlari Amudaryo tuman Kengashi Reglamentining 16-moddasiga muvofiq tuman hokimi topshirigʻiga binoan deputat Rustam Roʻzmetov raislik qildi.

Sessiyaga tuman Kengashi deputatlari, hokim oʻrinbosarlari, hokimlik masʼul xodimlari, huquq-tartibot organlari va boʻlimlar rahbarlari, jamoat tashkilotlari va ommaviy axborot vositalari vakillari taklif qilindi.

Sessiya kotibligiga 3-"Boyovul” saylov okrugidan deputat Nilufar Davletova saylandi.

Sessiya kun tartibiga "Oʻzbekiston Respublikasi Prezidenti saylovini oʻtkazuvchi uchastka saylov komissiyalari aʼzoligiga nomzodlar tavsiya qilish toʻgʻrisida”gi, "Xalq deputatlari Amudaryo tuman Kengashi va Kengash doimiy komissiyalarining 2015-yilga moʻljallangan ish rejalarini tasdiqlash toʻgʻrisida”gi, "2014-yil 12 oyi davomida jinoyatchilik va qonuniylikning ahvoli va bu borada tuman prokuraturasi tomonidan amalga oshirilgan ishlar yuzasidan tuman prokurorining axboroti toʻgʻrisida”gi hamda "Amudaryo tumani hokimining 2014-yil 17-dekabrdagi "Turayev Sherzod Qurbanbayevichni tuman Obodonlashtirish boshqarmasi boshligʻi lavozimiga tayinlash toʻgʻrisida”gi 837-sonli qarorini tasdiqlash haqida”gi masalalar kiritildi.

Kun tartibidagi birinchi masala muhokamasida taʼkidlanganidek, ayni kunlarda Oʻzbekiston Respublikasi Prezidenti saylovi kampaniyasi qizgʻin pallaga kirdi. Tumanimizda ham Oʻzbekiston Respublikasi Prezidenti sayloviga doir ishlar qonun talablariga muvofiq amalga oshirilmoqda. Tuman hokimi tomonidan Amudaryo tumani hududida Oʻzbekiston Respublikasi Prezidenti saylovini oʻtkazuvchi 58 ta saylov uchastkalarini tuzish boʻyicha taqdimnoma berildi. 1-Qoraqalpogʻiston okrug saylov komissiyasi tomonidan shu yilning 26-yanvarida saylov uchastkalarini tuzish toʻgʻrisida qarori qabul qilindi. Deputatlaruchastka saylov komissiyalari aʼzoligiga nomzodlarni bir ovozdan maʼqulladilar.

Kun tartibidagi ikkinchi masala, yaʼni xalq deputatlari Amudaryo tuman Kengashi va Kengash doimiy komissiyalarining 2015-yilga moʻljallangan ish rejalarini tasdiqlash toʻgʻrisidagi masala koʻrib chiqilib, tuman Kengashi sessiyalari va 6 ta doimiy komissiyalar yigʻilishlarida joriy yilda muhokama qilinadigan masalalarni oʻz ichiga olgan ish reja loyihasi oʻqib eshittirildi va deputatlar tomonidan tasdiqlandi.

Sessiyada 2014-yil 12 oyi davomida jinoyatchilik va qonuniylikning ahvoli va bu borada tuman prokuraturasi tomonidan amalga oshirilgan ishlar yuzasidan axborot tinglandi.

Axborot yuzasidan tuman hokimi oʻrinbosari, xotin-qizlar qoʻmitasi raisi, Qoraqalpogʻiston Respublikasi Joʻqorgʻi Kengesi deputati Maryam Axmedova, tuman ichki ishlar boʻlimi boshligʻining birinchi oʻrinbosari Ulugʻbek Xudayberganov, tuman Kengashining Qonuniylik, huquq-tartibot va fuqarolar xavfsizligini taʼminlash masalalari boʻyicha doimiy komissiyasi raisi Ruzimboy Nurimbetovlar oʻz fikrlarini bildirdilar.

Shuningdek, sessiyada Amudaryo tumani hokimining 2014 yil 17-dekabrdagi "Turayev Sherzod Qurbanbayevichni tuman obodonlashtirish boshqarmasi boshligʻi lavozimiga tayinlash toʻgʻrisida”gi 837-sonli qarori deputatlar tomonidan tasdiqlandi.