TINChLIKNING QADRINI URUSh KOʻRGANLAR AYTDI
Urush! Bu soʻz zamiridagi dahshatni, talofatlarni, vayronagarchiliklarni va begunoh insonlarga yetkazuvchi azob-uqubatlarini faqat boshidan oʻtkazganlargina toʻla his qilishadi. Shu boisdan ham ular tinchlik-osoyishtalik qadrini chuqur anglaydilar, bugungiday farovon, dorilomon kunlarga beadad shukrona aytib yashaydilar.
1979-yilda boshlanib, qariyb 10-yilga yaqin muddat davom etgan afgʻon urushi qatnashchilari ana shunday insonlar toifasidan.
Har yili 9-may – Xotira va qadrlash kuni oldidan butun mamlakatimizda boʻlgani kabi tumanimizda ham yigitlik kuch-gʻayrati, sogʻligʻini yoʻqotib, turli jarohatlar olib boʻlsa-da omon qaytgan faxriy afgʻonchi jangchilar ishtirokida turli tadbirlar oʻtkaziladi, ularga sovgʻalar hadya qilinadi.
Shu yilning 5-may kuni 76-sonli maktabda ham afgʻon urushi qatnashchilari Mambatsoliy Abdullayev, Ozod Xoʻjaniyozov, Anvar Qoʻshboyev, Zarifboy Eshniyozovlar bilan uchrashuv oʻtkazildi.
Tadbirni maktab direktorining maʼnaviy-maʼrifiy ishlar boʻyicha oʻrinbosari Dilfuza Yakubova ochdi va olib bordi. U oʻz soʻzida oʻquvchilarga Afgʻonistonda 1979-yildan 1989-yilgacha davom etgan mashʼum urush, ushbu urushga tumanimizning ham koʻpgina ilmli, iqtidorli va jasur yigitlari jalb etilganligi xususida batafsil maʼlumotlar berdi.
Tadbirda soʻzga chiqqan aziz mehmonlar – afgʻon urushi ishtirokchilari oʻzlarining jang maydonlarida boshidan oʻtkazgan azoblari haqida, tinchlik ulugʻ neʼmat ekanligi, uni asrash lozimligi xususida gapirib berdilar va yoshlarni bugungiday dorilomon davrda ularga yaratilgan sharoitlardan unumli foydalanib, ilm olib, ulgʻayib, elga munosib boʻlib voyaga yetishga daʼvat etdilar.
Tadbir oʻquvchilarda chuqur taassurotlar qoldirdi.
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
