XIZR ELI MAHALLASIDA NAVRÖZ BAYRAMIGA BAĞIŞLANGAN TADBIR ÖTKAZILDI
Ölkamizda yangilaniş va yaşariş ayyomi – Navrözi olam şukuhi kezmoqda. Bu ulkan şodiyona yurtimizda yaşayotgan barça millat va elat vakillari uçun eng suyukli bayramdir. Neça ming yillardan buyon davom etib kelayotgan uşbu bayram, bahor tantanasi maʼnaviy hayotimizning körk-u ziynatiga aylangan. Joylardagi kabi tumanimizning çekka hududlaridan bölgan Xizr eli mahallasida ham Navröz ayyomi munosabati bilan katta tadbir taşkil etildi.
19-mart kuni Xizr eli mahallasi hududidagi fermerlar homiyligida “Şahzodbek-Xursandbek” töyxonasida oçiq dasturxon atrofida ötkazilgan uşbu tadbirda mahallaning yoşu-qari aholisi jamul-jam böldi.
Bahoriy kuylar sadosi ostida boşlangan tadbirni mahalla fuqarolar yiğini raisi Otabek Törayev oçib, barçani ayyom bilan qutladi hamda Navrözning yurtimizda mehr-oqibat, hamjihatlik, insoniylik, bağrikenglik va bunyodkorlik, xayr-saxovat muhitini yanada mustahkamlaş, yoş avlodni milliy anʼanalarimizga sadoqat va umuminsoniy qadriyatlarga hurmat ruhida kamol toptirişdagi örni va taʼsiri tobora ortib borayotganini taʼkidladi. Mahalla nuroniylari ham sözga çiqib, barçani bayram bilan tabriklaşdi. Şarqona yangi yil barça elimizga qut-baraka, har bir xonadonga tinçlik-omonlik, baxt-saodat, fayz-baraka, möl rizq, qalblarga quvonç va zavq olib kelişini tilab, duoga qöl oçişdi.
Darhaqiqat, Navröz kelişini bobodehqonlarimiz, mirişkor boğbonlarimiz orziqib kutişadi. Ular yerga baraka uruğini soçadi, mevali va manzarali daraxtlar ötqazadi. Zero, yerga mehr va mehnat bilan qançalik köp işlov berilsa, dehqonçilik, ziroat ham şunga qarab barakali böladi. Rözğorimiz, butun hayotimiz farovon bölib boraveradi. Elimizda bu muborak faslni uyğoniş fasli ham deyişadi, barça hududlarda obodonlaştiriş, kökalamzorlaştiriş işlari boşlanadi. Bu yil ham erta bahordan tumanimizning barça hududlaridagi kabi Xizr eli mahallasida “Yaşil makon” umummilliy loyihasi doirasidagi köçat ekiş işlari boşlab yuborildi.
Bayram tadbirida mahalla hududidagi 46-sonli umumtaʼlim maktabi öquvçilari hamda 47-sonli maktabgaça taʼlim taşkiloti tarbiyalanuvçilari iştirokidagi qöşiq va kuylar, dilrabo raqslar namoyiş etildi. Tadbirga taklif etilgan el suygan xonanda va sozandalar kötarinki kayfiyatni yanada yaxşilab, kuylarni şöx taronalarga ulaşdi, barçani raqsga çorlaşdi. Aytilayotgan qöşiqlarga mos ijro etilgan şöx raqslar davraga özgaça fayz olib kirdi.
Bayram dasturxoniga anʼanaviy özbek milliy taomlari, kök somsa, kök çuçvara, göja, sumalak kabi bahor taomlari, zoğora, göştli va kök piyozli patir nonlar ham tortildi. Tadbirga homiylik qilayotgan fermerlar tomonidan mehmonlarga 80 kilogramm oş damlanib tarqatildi.
Tadbir davomida ovul nuroniylariga, faxriylarga, Navröz bayramni ötkazişda faol qatnaşgan “Şirin-buloq” fermer xöjaligi va “Quvsuriq” çorvaçilik fermer xöjaligi rahbarlari, uşbu fermer xöjaliklarda mavsum davomida yuqori körsatkiçlarga erişgan bir guruh işçilar va mexanizatorlarga bayram munosabati bilan sovğalar ulaşildi.
Navröz ayyomining taşrifini tantanavor ruhda bayram qilgan xizr eliliklar qalbida uşbu tadbir özining eng gözal va çiroyli xotiralari bilan muhrlandi.
O.Xudoyberganova.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶