AMUDARYo AXBOROT-KUTUBXONA MARKAZI BILAN HAMKORLIKDA “YoSh KITOBXONLAR” UChRAShUVI OʻTKAZILDI
Yoshlar maʼnaviyatini yuksaltirish, ular ongida Vatanga muhabbat, milliy va umuminsoniy qadriyatlarga sadoqat ruhini shakllantirish, kitobxon yoshlarni tengdoshlariga oʻrnak qilib koʻrsatish orqali boshqalarni ham kitob oʻqishga daʼvat qilish maqsadida joriy yilning 16-mart sanasida Amudaryo tuman axborot-kutubxona markazi bilan hamkorlikda Amudaryo televideniyesining Oʻzbekiston Respublikasi Oliy Majlisi huzuridagi NNTlar va fuqarolik jamiyatining boshqa institutlarini qoʻllab-quvvatlash jamoat fondi tomonidan moliyalashtirilgan “Yuksak maʼnaviyatli va axloqli yoshlar – kelajak poydevori” loyihasi doirasida yosh kitobxonlar bilan uchrashuv tadbiri oʻtkazildi.
Uchrashuv tadbirida Oʻzbekiston Yozuvchilar uyushmasi aʼzosi, Qoraqalpogʻiston Respublikasida xizmat koʻrsatgan jurnalist, loyiha koordinatori Robiya Yoʻldosheva, “Taraqqiyot koʻzgusi” gazetasi maʼsul kotibi Ozoda Xudoyberganova hamda Zulfiya nomidagi davlat mukofoti sohibasi Barno Samandarova, Amudaryo muhandislik texnikumi talabalari va kitobxon yoshlar ishtirok etdilar.
“Yosh kitobxonlar” uchrashuvida Axborot-kutubxona markazining bibliografiya xizmati boʻlimi mudiri Rohatoy Romanova soʻzga chiqib, Amudaryo muhandislik texnikumi talabalari, umumtaʼlim maktablarining kitobxon yoshlariga Axborot-kutubxona faoliyati, kitob jamgʻarmasi, kitobxonlarning toifalari xususida maʼlumot berib, uchrashuvda ishtirok etayotgan kitobxon yoshlarga yangi kitoblar va ularning yoshlar tarbiyasidagi oʻrni haqida batafsil soʻz yuritdi.
Shundan soʻng, “Yosh kitobxonlar” uchrashuv tadbiri ishtirokchilari bilan Robiya Yoʻldosheva dildan suhbat oʻtkazildi. Dildan muloqot tarzidagi suhbat asnosida Robiya Yoʻldosheva kitobning oʻz hayotida tutgan oʻrni, ayniqsa, insonning shaxs sifatida shakllanishidagi ahamiyati haqida yoshlarga ibratli hikoyalar misolida tushunchalar, tavsiyalar berdi. Ayniqsa, kitobxonlik insoning nutq va muomala madaniyatini yuksaltirishi, bilimdon, dunyoqarashi keng shaxs sifatida shakllanishida muhim ahamiyat kasb etishni hayotiy misollar orqali ifodalab, tumanimizdagi kitobga mehr qoʻyib, hayotda oʻz tengdoshlariga namuna boʻlayotgan yoshlar koʻpligini mamnuniyat bilan taʼkidladi.
Tadbirda “Taraqqiyot koʻzgusi” gazetasi masʼul kitobasi Ozoda Xudoyberganova ham soʻzga chiqib, kitob tufayli oʻzi hayotda erishgan yutuqlari haqida soʻz yuritib, yoshlarni yanada koʻproq oʻqishga, kitobxonlikni eng yaxshi, eng sevimli mashgʻulot sifatida doimiy kun tartibiga kiritib, muntazam shugʻullanishga daʼvat etdi.
Zulfiya nomidagi davlat mukofoti sohibasi, 35-sonli umumtaʼlim maktabining 11-sinf oʻquvchisi Barno Samandarova bilan yosh kitobxonlarning samimiy suhbati hayajonli daqiqalarga boy boʻldi. Barnoxon Samandarova kitobxonlik unga nafaqat bilimdonlik sari, balki kelajak orzulari sari ham yorugʻ yoʻl ochganini quvonch bilan taʼkidladi.
Inson qanchalik koʻp kitob oʻqisa, nafaqat uning bilish saviyasi yuksaladi, balki dunyoqarashi kengayib, hayotda tobora faollashib boradi. Har qanday vaziyatda oʻz fikrini yuksak maʼrifati, maʼnaviyati bilan ifoda etish orqali, suhbatdoshlariga maʼnaviy taʼsir oʻtkaza oladi. Boʻlib oʻtgan “Yosh kitobxonlar” bilan uchrashuv tadbiri yoshlar qalbida ana shunday ezgu tuygʻularni uygʻotgani bilan muhim ahamiyat kasb etdi.
Ravshan Bahromov, Mahmudjon Shomurodov.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
