NOGIRONLIGI BOʻLGAN YoShLARGA SUBSIDIYaLAR AJRATILADI
Vazirlar Mahkamasining 2022-yil 21-iyun kungi “Nogironligi boʻlgan yoshlarni ijtimoy qoʻllab-quvvatlash boʻyicha davlat xizmatlari koʻrsatishning maʼmuriy reglamentlarini tasdiqlash haqida”gi Qarori qabul qilindi. Qaror bilan nogironligi boʻlgan yoshlarga oʻqish, zarur hollarda yashash va transport xarajatlarini qoplash, ularga asbob-uskuna, mehnat vositalarini sotib olish uchun subsidiya ajratish boʻyicha maʼmuriy reglament tasdiqlandi.
Subsidiyalar 2022-yilning 1-avgustidan eʼtiboran Oʻzbekiston Respublikasi Yoshlar ishlari agentligining Yoshlarga aloqador davlat siyosatini qoʻllab-quvvatlash jamgʻarmasi hisobidan har yili 14-30 yosh oraligʻidagi 500 nafar nogironligi boʻlgan yoshlarga bazaviy hisoblash miqdoriniing 50 barobariga (15 mln. soʻm) qadar miqdorda ajratish tizimi yoʻlga qoʻyildi.
Oʻn toʻrt yoshga toʻlgan va oʻttiz yoshdan oshmagan nogironligi boʻlgan Oʻzbekiston Respublikasi fuqarosi nodavlat taʼlim muassasida oʻqish yoki asbob-uskuna sotib olish uchun subsidiya ajratishni soʻrab, davlat xizmatlar markaziga murojaat qiladi yoki Yagona interaktiv davlat xizmatlar portali orqali Yoshlar ishlari agentligiga toʻgʻridan toʻgʻri ariza joʻnatadi.
Ariza Agentlik tomonidan 15 kun muddat ichida koʻrib chiqiladi. Soʻrovnoma asosida Agentlik ariza beruvchiga subsidiyani toʻlov yoki toʻlovdan bosh tortish haqida elektron tizimga maʼlumot kiritadi hamda ariza beruvchiga SMS-xabarnoma joʻnatadi. Qaror bilan tanishgan fuqaro subsidiya olishda qanday harakat qilishi lozimligini bilib oladi.
Nogironligi boʻlgan yoshlarga oʻqish, yashash va transport xarajatlarini qoplash uchun subsidiyalar ajratish tartibi yoʻlga qoʻyilganligi ularning hayotda oʻz oʻrinlarini topishlariga, kasb-hunar egallab, mehnat faoliyatini boshlashlariga xizmat qiladi.
F.SEYTIMBETOV, QR Adliya vazirligi yetakchi maslahatchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
