Yoshlar oʻrtasida kitobxonlikni keng targʻib etishga bagʻishlangan davra suhbati boʻlib oʻtdi

Oʻzbekiston Respublikasi Oliy Majlisi huzuridagi Nodavlat notijorat tashkilotlarni va fuqarolik jamiyatining boshqa institutlarini qoʻllab-quvvatlash Jamoat fondi tomonidan moliyalashtirilgan Amudaryo televideniyesi tahririyatining “Yuksak maʼnaviyatli va ahloqli yoshlar − kelajak poydevori” nomli grant loyihasi doirasida yoshlarning boʻsh vaqtini mazmunli oʻtkazishga, ularni mafkura maydonining turli hurujlaridan himoya qilishga maʼnaviy dunyosini boyitishga xizmat qiluvchi koʻplab tadbirlar tashkil etilmoqda.

 Jumladan, yaqinda yoshlar oʻrtasida kitobxonlikni keng targʻib qilish maqsadida tumanning eng namunali maktablaridan biri− 56-sonli umumtaʼlim maktab oʻquvchi yoshlari bilan kitob tanlash madaniyati boʻyicha davra suhbati boʻlib oʻtdi.

10-sinf oʻquvchilari uchun tashkil etilgan davra suhbatida tuman hokimligining Axborot xizmati rahbari Fotima Eshimbetova maktabning maʼnaviy va maʼrifiy ishlar boʻyicha direktor oʻrinbosari Rohatoy Xudoybergenova, ona-tili va adabiyot fani oʻqituvchisi Madina Rajabova, maktabning ijodiy-madaniy masalalar boʻyicha targʻibotchisi Allambergan Jumaniyazovlar ishtirok etishdi.

Tuman hokimligining Axborot xizmati rahbari Fotima Eshimbetova oʻquvchilarga kitob faqat insonni ezgulikka chorlashini, koʻp kitob oʻqigan insondan aslo yomonlik chiqmasligini, insonning nutqi ravon, va fikrlash qobiliyati keng boʻlishini aytib oʻtdi.

Darhaqiqat, buguni kunda yoshlarni turli yot va buzgʻunchi gʻoyalardan asrash, ularning ongida yovuz mafkuralarga qarshi immunitetni mustahkamlashning eng samarali usullaridan biri sifatida koʻproq kitob oʻqish va internetdan toʻgʻri foydalanishdir.

Kitob har bir inson uchun sodiq doʻst. Kitob orqali u ertakmi, romanmi, rivoyatmi yoki haqiqattan olingan hayotiy voqealar tushirilgan asarmi? bularning barisi yaxshilik sari yetaklashini bilib olamiz.

Ayniqsa, voqealiklarning barchasida bir xaqiqat gʻolibligi, kitobxon irodasini mustaxkamlaydi.

Tarixiy kitoblar yoki tarixiy voqealar tafsilotidagi asarlar orqali kitobxon yoshlar nima qilganda nimalar boʻlishi, qanday ishlardan qanday voqealar kelib chiqishi, nimalarga olib kelishini oʻrganadi. Kitob ularga hayotiy saboq berib, maʼnaviyatini oshirib boradi.

Davra suhbati davomida oʻquvchilar soʻnggi paytda oʻzlari sevib oʻqigan badiiy asarlardan chiqargan xulosalari bilan oʻrtoqlashdilar.

Oʻquvchilardan kimdir Pirimqul Qodirovning “Yulduzli tunlar” asari katta taassurot qoldirganini aytsa, yana kimdir Oʻtkir Hoshimovning “Dunyoning ishlari” qissasini qayta-qayta mutolaa qilib oʻz onasi timsolini koʻrganligini aytib oʻtdi.

Davra suhbati baxs-munozaraga boy tarza qiziqarli boʻlib oʻtdi. Oʻqituvchilar oʻquvchilarga koʻproq badiiy kitob oʻqishlari lozimligini ana shundagina nutqi ravon va fikrlash doirasi keng boʻlishini tushuntirib bugungi kunda yaratilatgan, jahon va oʻzbek adabiyoti durdonalaridan oʻqish uchun eng qiziqarli asarlarni tavsiya qilishdi.

Fotima Eshimbetova.