BÖLĞUSI TAŞABBUSKOR ZOBIT
Tumanimizdagi Özbekiston mahallasida tuğilib-ösgan Sohibjon Nurullayev yoşligidan Vatan himoyaçisi bölişni orzu qilardi. U şu orzusi yölida maktab öquvçisi ekanligidayoq özini jangovar tartib-qoidalarga örgatdi. Oila aʼzolari ham uning xohiş-irodasini töğri tuşunib, unga har tomonlama yordam berişdi. Oila boşliği – 44-sonli maktab direktori Amin Eşimbetov kenja öğlining öz orzu-havaslariga yetişuvi uçun jon kuydirdi.
Mana, Sohibjon öz orzulari yölidagi dastlabki yutuqlarni qölga kirita boşladi. U 2018-yilda 44-sonli maktabning 9-sinfini tugatgaç, Xorazm viloyatidagi “Temurbeklar maktabi”ga qabul qilindi. Aʼlo xulqi va aʼlo öqişi bilan mazkur maktab öqituvçilarining eʼtiborini qozondi.
Sohibjon “Temurbeklar maktabi”ni imtiyozli ravişda tugatib, orzulari yölidagi navbatdagi qadamini qöydi. U 2020-yilda Özbekiston Respublikasi Qurolli Kuçlari akademiyasiga öqişga qabul qilindi. Hozirgi kunda Sohibjon akademiyaning umum-qömondonlik yönalişi 3-bosqiç talabasidir.
Sohibjon Nurullayev akademiyada aʼlo öqiş bilan bir qatorda bölğusi zobit sifatida vatanparvar yoşlarni tarbiyalaşda taşabbuskor bölmoqda. U qişki taʼtil paytida tumanimizdagi 34-, 44-, 2-, 85-sonli maktab öquvçilari bilan uçraşuvlar ötkazib, harbiy öquv yurtiga kiriş qonun-qoidalari, talablari, harbiylik tartib-intizomi, jismoniy va psixologik çiniqişlar haqida keng kölamda tuşuntiriş, tarğibot işlarini olib bordi.
Harbiy böliş, Vatan himoyaçilari safida turiş har bir soğlom yigitning orzusidir. Şunday ekan, bu tadbirlardan keyin Sohibjonning izdoşlari tumanimizda yana ham köpayişi şubhasiz.
Sohibjonning maktab öquvçilari bilan bölgan uçraşuvlardagi “Harbiylar uçun birinçi navbatda salomatlik, jismoniy tarbiya, psixologik tayyorgarlik zarur”, deya aytgan sözlari har bir bölajak Vatan himoyaçisi uçun dasturilamal bölişi aniq.
– Zamonaviy Vatan himoyaçisi har tomonlama bilimdon bölişi kerak – deydi Sohibjon, – şu maqsadda men kompyuterda dasturlaş sirlarini mukammal örganmoqdaman. Harbiy texnikaning barça turlarini boşqara olaman. Otiş qurollarini tökis bilaman. Sportning voleybol turi bilan şuğullanaman.
Tumanimizdagi yoş avlod vakillari Sohibjon kabi yigitlardan ibrat olib, Qurolli kuçlarimiz safi haqiqiy bahodirlar bilan tölib boraverişiga şak-şubha yöq.
Örozali REYIMOV.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶