DARAXTLARGA OZOR BERMANG!
Orol dengizi haqida öqimagan, eşitmagan öquvçi topilmasa kerak. Meni doim dengizning nomi qanday kelib çiqqanligi qiziqtiradi. Axir orol sözi - suv içidagi quruqlikni anglatadi-da.
Men hali bu borada biron jöyali maʼlumot topa olmadim. Lekin Orol dengizi suvining pasayib ketişi oqibatida hududimizda ekologik vaziyat yomonlaşayotgani, bu odamlarda, ayniqsa, yoş bolalarda köpgina surunkali kasalliklar avj olişiga sabab bölayotgani haqida köp yozilmoqda.
Maktabimizda ustozlarimiz Orol dengizi qurişi natijasida yuzaga kelgan murakkab ekologik vaziyatning noxuş oqibatlarini yumşatiş uçun yurtimizda yaşil maydonlarni kengaytirişga alohida eʼtibor berilayotgani haqida köp taʼkidlaşadi, daraxtlarga ziyon yetkazmaslik lozimligini örgatişadi.
Bizning maktabimiz ulkan qatnov yöli böyida.Yöldan maşinalar köp ötadi. Biroq yöl böyiga, maktabimiz atrofiga daraxtlar, gullar köp ekilgani bois, bizga yöldagi maşinalar qatnovidan kötarilgan çang deyarli sezilmaydi.Maktabimiz atrofi yoz kunlarida ham salqin bölib turadi. Biz öquvçilar buni çuqur his qilib, ustozlarimizning dov-daraxtlarning foydasi haqidagi gaplari juda töğri ekanligiga amin bölamiz. Ha, yaşil daraxtlar, butalarni payhon qilmang, asrang, tengdoşlar!
Manzura MADRAHIMOVA, 76-sonli maktab öquvçisi.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶