Aholiga soliq imtiyozlari haqida keng tushunchalar berilmoqda

Joriy yilning 18-yanvar kuni 4-sektor rahbari tuman soliq inspektsiyasi boshligʻi A.Seitov Navoiy va Beruniy MFYlarga borib aholini Oʻzbekiston Respublikasi Prezidentining 2022-yil 31-avgust kungi “Qoraqalpogʻiston Respublikasida tadbirkorlik, innovatsion texnologiyalar va infratuzilmalarni jadal surʼatlarda rivojlantirish orqali aholi farovonligini oshirishning qoʻshimcha chora-tadbirlari tugʻrisida”gi PF-213-sonli farmon boʻyicha Qorqalpogʻiston Respublikasiga berilgan soliq imtiyozlari va yengiliklari hamda 2022-yil 30-dekabr kungi “Respublika hududlarini toifalarga ajratish va tadbirkorlikni qoʻllab-quvvatlashning tabaqalashtirilgan tizimini joriy etish chora-tadbirlari toʻgʻrisida”gi PF-287-sonli farmonlarining maʼzmun mohiyati boʻyicha keng tushuntirishlar berdi. Jumladan, PF-213-son farmonga asosan 2023-yil 1-yanvardan 2028-yil 1-yanvargacha boʻlgan davrda: -foyda soligʻi, aylanmadan olinadigan soliq, yuridik shaxslarning mol-mulkiga solinadigan va yer soligʻi boʻyicha soliq stavkalari 50 foizga kamaytiriladi; -ijtimoiy soliq kamaytirilib 1 foiz miqdoridagi soliq stavkasida belgilandi; -yakka tartibdagi tadbirkorlar tomonidan toʻlanayotgan ijtimoiy soliq shaharlar hududida faoliyat yuritayotganlar uchun 12 barovargacha, tumanlarda faoliyat yuritayotganlar uchun 6 baravarga kamaytirilib, yiliga bazaviy hisoblash miqdorining bir barobari miqdorida belgilanadi. PF-287-son qaror boʻyicha 2023-yil 1-yanvardan boshlab respublika tuman va shaharlarini 5 ta toifaga ajratildi. Amudaryo tumani 4-toifaga kiritildi, bunda tumanda roʻyxatdan oʻtgan va shu hududda faoliyat yuritadigan tadbirkorlik subʼektlari (yirik soliq toʻlovchilar, doimiy muassasa, byudjet tashkiloti va davlat korxonasi, ustav jamgʻarmasi (kapitali)da davlat ulushi 50 foiz va undan koʻproq miqdorda boʻlgan yuridik shaxslar bundan mustasno) uchun aylanmadan olinadigan soliqning bazaviy soliq stavkasi 3 foiz etib belgilanadi. Bunda, qonunchilikda nazarda tutilgan hollarda mazkur soliq boʻyicha pasaytirilgan soliq stavkalari saqlab qolinadi; g) Qoraqalpogʻiston Respublikasi Joʻqorgʻi Kengesi va xalq deputatlari viloyatlar Kengashlariga 4-toifadagi tumanlar boʻyicha: yuridik shaxslarning mol-mulkiga solinadigan soliq va yuridik shaxslardan olinadigan yer soligʻi boʻyicha Soliq kodeksi bilan belgilangan eng kam qiymatlarga 0,3 gacha; yakka tartibdagi tadbirkorlar uchun qatʼiy belgilangan miqdordagi jismoniy shaxslardan olinadigan daromad soligʻi boʻyicha 0,5 gacha kamaytiruvchi koeffitsiyent kiritish huquqi beriladi.