"VATANPARVAR" TAShKILOTI YoShLARNI HARBIY-VATANPARVARLIK RUHIDA TARBIYaLAShGA HISSA QOʻShMOQDA
Mudofaaga koʻmaklashuvchi “Vatanparvar” tashkilotining Amudaryo tuman Kengashi oʻz faoliyati davomida aholi, ayniqsa, yoshlarni harbiy vatanparvarlik ruhida tarbiyalash, ular orasida sportning texnik va amaliy turlarini ommalashtirish hamda kasbga oʻqitish bilan bir qatorda aholining ehtiyojmand qatlamini har tomonlama qoʻllab-quvvatlash borasida samarali chora-tadbirlarni amalga oshirib kelmoqda.
Tashkilotning oʻquv sport-texnika klubida yoshlar avtokross, triatlon, yozgi biatlon, aviamodel kabi sportning texnik va amaliy turlariga jalb etilib, shugʻullanishlariga imkoniyat yaratilgan. Ularni faol va vatanparvar etib tarbiyalash bilan birga mohir haydovchi hamda boshqa ommaviy texnik kasblar egasi qilib tayyorlashga ham alohida eʼtibor qaratilib, haydovchilarni umumiy kasbga tayyorlash, vulkanizatorchi, avtoelektrik, akkumulyatorchi, elektrogazpayvandchi, avtomobil dvigatellarini qismlarga ajratish va yigʻish chilangari kasblari boʻyicha qisqa muddatli oʻquv kurslari tashkil etilgan. Oʻquv sport-texnika klubida mash-gʻulotlar davomida 12 nafar ustalar amaliy boshqarishni oʻrgatishadi. Mashgʻulotlarda 14 ta yengil, 5 ta yuk avtomobillardan foydalaniladi.
Oʻtgan yili tashkilotning oʻquv sport-texnika klubi tomonidan tuman birinchiligi uchun anʼanaviy “Yozgi biatlon” yengil atletika turi boʻyicha sport musobaqalari tashkil etildi. Unda tumandagi umumtaʼlim maktablaridan ishtirok etgan 5 ta jamoadan va sportchi yoshlar orasidan gʻoliblar saralab olindi. Faxrli oʻrinlarni egallagan sportchilarga “Vatanparvar” tashkilotining sovgʻalari topshirildi. Shuningdek, 2021-yilda “Ralli Moʻynoq” avtomotosport musobaqalarida ishtirok etgan “Vatanparvar” tashkiloti tuman Kengashi oʻquv sport-texnika klubi jamoasi A8 toifasi boʻyicha faxrli 1-oʻrinni egalladi va Prezident sovgʻasi – NEXIA 3 rusumli avtomobilni qoʻlga kiritdilar.
Tashkilotimizning asosiy maqsadi Oʻzbekiston Respublikasining davlat xavfsizligini, uning Qurolli Kuchlari, mudofaa qudratini mustahkamlashga koʻmaklashish, keng xalq ommasi, xususan, yoshlarni mehnatsevarlikka va Vatanni himoya qilishga ruhlantirishdir. Biz tashkilot xodimlari oʻsib kelayotgan yosh avlodni maʼnaviy-axloqiy va harbiy vatanparvarlik ruhida tarbiyalash bilan birga, ularga mudofaa sohasidagi boshlangʻich tushunchalarni beramiz, harbiy xizmatga tayyorlaymiz. Shu bilan birga, fuqarolarni ommaviy texnik kasblarga sifatli tayyorlab, sportning texnik va amaliy turlarini yanada rivojlantirishga munosib hissa qoʻshamiz.
Shuhrat Kamolov, Mudofaaga koʻmaklashuvchi
"Vatanparvar" tashkiloti tuman OʻSTK boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
