Xalq deputatlari Amudaryo tuman Kengashiga 2014-yil 21-dekabrda boʻlib oʻtgan saylov natijalari toʻgʻrisida AXBOROT

2014-yilning 21-dekabr kuni Oʻzbekiston Respublikasi Oliy Majlisi Qonunchilik palatasiga, Qoraqalpogʻiston Respublikasi Joʻqorgʻi Kengesiga va xalq deputatlari tuman Kengashiga oʻtkazilgan saylovlar jamiyatimiz hayotidagi katta siyosiy voqealarning biri boʻldi. Saylovlarga tayyorgarlik koʻrish va uni oʻtkazish bilan bogʻliq barcha tadbirlar saylov toʻgʻrisidagi qonunlarga qatʼiy amal qilgan holda, demokratik asosda oshkoraviy tarzda uyushqoqlik bilan amalga oshirildi.

Oʻzbekiston Respublikasi Markaziy saylov komissiyasining 2014-yil 11 sentyabrdagi "Oʻzbekiston Respublikasi Oliy Majlisi Qonunchilik palatasiga, xalq deputatlari viloyat, tuman va shahar Kengashlariga saylov boʻyicha saylov kampaniyasi boshlanishini eʼlon qilish toʻgʻrisida”gi qarori qabul qilingandan keyin Xalq deputatlari Amudaryo tuman Kengashining 2014-yil 26-sentyabrdagi sessiyasi qarori bilan Xalq deputatlari Amudaryo tuman Kengashiga saylov oʻtkazuvchi tuman saylov komissiyasi tuzildi.

Tuman saylov komissiyasi tomonidan 2014-yil 21-dekabrda oʻtkaziladigan Xalq deputatlari Amudaryo tuman Kengashiga saylovlarga tayyorgarlik koʻrish va uni oʻtkazish boʻyicha asosiy tadbirlar rejasi ishlab chiqildi va tasdiqlandi.

"Xalq deputatlari tuman va shahar Kengashlariga saylov toʻgʻrisida”gi Qoraqalpogʻiston Respublikasi Qonunining 7-moddasiga asosan tuman Kengashiga saylov boʻyicha tumanda 30 ta saylov okrugi tuzildi.

Siyosiy partiyalarning arizalariga va taqdim etgan hujjatlariga hamda Qoraqalpogʻiston Respublikasining "Xalq deputatlari tuman va shahar Kengashlariga saylov toʻgʻrisida”gi Qonunining 21-moddasiga asosan tumanda faoliyat koʻrsatayotgan Tadbirkorlar va ishbilarmonlar harakati - Oʻzbekiston liberal-demokratik partiyasi, Oʻzbekiston "Adolat” sotsial demokratik partiyasi, Oʻzbekiston "Milliy tiklanish” demokratik partiyasi va Oʻzbekiston Xalq demokratik partiyasi tuman tashkilotlariga tuman saylov komissiyasi tomonidan saylovda qatnashishga ijozat berildi.

Xalq deputatlari Amudaryo tuman Kengashiga saylov oʻtkazuvchi 58 ta saylov uchastkalari tuzildi, 57 ta uchastka saylov komissiyalarining tarkiblari 11 nafardan va 1 uchastka saylov komissiyasining tarkibi 5 nafar aʼzodan iborat hamda 30 ta tuman Kengashiga saylov oʻtkazuvchi okrug saylov komissiyalari 9 nafar aʼzodan iborat tarkibda tasdiqlandi. Uchastka saylov komissiyalari faoliyati Oʻzbekiston Respublikasi Markaziy saylov komissiyasi tomonidan tasdiqlangan yoʻriqnoma asosida tashkil etildi hamda saylov uchastkalari qonunga va Markaziy saylov komissiyasi tomonidan berilgan koʻrsatma va tavsiyalarga asosan toʻliq jihozlandi. Saylovga tayyorgarlik koʻrish va uni oʻtkazish okrug va uchastka saylov komissiyalari tomonidan ochiq va oshkora amalga oshirildi. Saylovlar umumiy, teng va toʻgʻridan-toʻgʻri, yashirin ovoz berish yoʻli bilan oʻtkazildi.

Xalq deputatlari tuman Kengashiga siyosiy partiyalar, fuqarolarning oʻzini-oʻzi boshqarish organlari tomonidan deputatlikka nomzod qilib jami 107 nafar nomzod koʻrsatildi. Jumladan, Tadbirkorlar va ishbilarmonlar harakati - Oʻzbekiston liberal-demokratik partiyasidan 30 nafar, "Adolat” sotsial demokratik partiyasidan 16 nafar, "Milliy tiklanish” demokratik partiyasidan 29 nafar, Oʻzbekiston Xalq demokratik partiyasidan 30 nafar, fuqarolarning oʻzini oʻzi boshqarish organlaridan 2 nafar deputatlikka nomzodlar koʻrsatildi.

Tuman saylov komissiyasi tomonidan 107 nafar deputatlikka nomzodlar roʻyxatga olindi. Deputatlar roʻyxatga olingandan keyin OʻzXDP tomonidan koʻrsatilgan 1 nafar, "Milliy tiklanish” DP dan 1 nafar, OʻzLiDePdan 1 nafar, jami 3 nafar nomzodlar deputatlikka nomzodlikdan voz kechish haqida ariza bilan murojaat qildilar. Ularning arizalari qanoatlantirildi.

Saylovga doir barcha materiallar "Taraqqiyot koʻzgusi” gazetasida Qonunda koʻrsatilgan muddatlarda eʼlon qilindi.

Tuman boʻyicha 117673 nafar kishi saylovchilar roʻyxatiga kiritilib, 2014-yil 21-dekabr kungi saylovda ularning 111303 nafari, yaʼni 94,6 foizi ishtirok etdilar. Ovoz berish natijalariga koʻra, 30 ta saylov okrugidan deputatlikka koʻrsatilgan 104 nafar nomzoddan saylov kuni saylovchilarning 50 foizdan ortiq ovozini olgan 29 nafari deputat qilib saylandilar va roʻyxatga olindilar.

Xalq deputatlari tuman Kengashiga 2-Chordara saylov okrugida ovozga qoʻyilgan 4 nafar nomzodlarning hech birisaylovchilarning 50 foizidan ortiq ovozini olaolmaganligi uchun "Xalq deputatlari tuman va shahar Kengashlariga saylov toʻgʻrisida”gi Qoraqalpogʻiston Respublikasi Qonunining 45-moddasiga asosan eng koʻp ovoz olgan ikki nomzod boʻyicha ushbu saylov okrugida 2015-yil 4-yanvar kuni takroriy ovoz berish oʻtkazilishi belgilandi.

Anvar Kamolov, tuman saylov komissiyasi raisi.