KONSTITUTsIYaNING 30 YILLIGI MUNOSABATI BILAN HUQUQShUNOSLAR IShTIROKIDA DAVRA SUHBATI OʻTKAZILDI
Oʻzbekiston Respublikasi Konstitutsiyasi qabul qilinganiga oʻttiz yil toʻlishi munosabati bilan tumandagi maʼmuriy organlar masʼullari, huquqshunoslar ishtirokida davra suhbati boʻlib oʻtdi.
2022-yil 6-dekabr kuni Amudaryo Muhandislik texnikumida boʻlib oʻtgan mazkur tadbirda Jinoyat ishlari boʻyicha Amudaryo tuman sudi masʼullari, Adliya boʻlimining yuridik xizmat koʻrsatish markazi bosh yuristkonsulti Sh.Vaisniyazov, tuman prokurori yordamchisi Z.Kudaybergenov, texnikum direktori oʻrinbosari Sh.Matirzayev hamda oʻqituvchilari, talabalar ishtirok etishdi.
Tadbirda soʻzga chiqqanlar yurtimizda jamiyatni demokratlashtirish va yangilash, mamlakatni isloh etish, shuningdek, inson huquqlarini taʼminlash hamda himoya qilish borasida keng qamrovli islohotlar amalga oshirilayotgani, 30-yildan buyon Oʻzbekistonda demokratik jamiyatni barpo etishning huquqiy asosi boʻlib Oʻzbekiston Respublikasi Konstitutsiyasi xizmat qilayotgani eʼtirof etishdi. Shuningdek, har bir insonning kamoloti, erkinligi, yuksak turmush darajasi, farovon hayot kechirishi va faol mehnat qilishi uchun sharoit yaratish Konstitutsiyamizning mazmunini tashkil etishini, Asosiy qonunimiz BMT tomonidan 1948-yilda qabul qilingan “Inson huquqlari umumjahon deklaratsiyasi”ning barcha muhim qoidalari va normalarini oʻz mazmuniga toʻla singdirganini aytib oʻtishdi. Shu bilan birga, mamlakatimiz mustaqillikka erishganidan soʻng oʻtgan tarixiy qisqa davr mobaynida konstitutsiyaviy meʼyorlar va tamoyillarni hayotga tatbiq etish, fuqarolarning shaxsiy, siyosiy va ijtimoiy-iqtisodiy huquqlari hamda erkinliklarini toʻliq taʼminlash borasida oʻtkazilayotgan keng qamrovli islohotlar maʼruzachilar tomonidan keng yoritib berildi.
Tadbirda barcha sohalarda mamlakatimizning yanada gullab yashnashi, rivojlanishida muhim asos boʻlib xizmat qilayotgan Konstitutsiyaga bagʻishlangan videorolik namoyish etildi. Shuningdek, yigʻilish ishtirokchilari huquqshunoslarga oʻzlarini qiziqtirgan savollar bilan murojaat qilib, batafsil javoblar olishdi.
E.Jumaniyozov, Jinoyat ishlari boʻyicha Amudaryo tuman sudining devonxona mudiri.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
