KORRUPTsIYaGA QARShI KURAShIShNI YaNADA KUChAYTIRISh MAVZUSIDA YIGʻILISh OʻTKAZILDI
Beshtom mahalla fuqarolar yigʻinining maʼmuriy binosida “Korruptsiyaga qarshi murosasiz munosabatda boʻlish” mavzusida ochiq muloqot tarzidagi yigʻilish boʻlib oʻtdi.
2022-yil 14-noyabr kuni boʻlib oʻtgan yigʻilishda Jinoyat ishlari boʻyicha Amudaryo tuman sudi masʼullari, fuqarolar yigʻini raisi Azat Seytimov, mahalla fuqarolari va faollari, hudud profilaktika inspektori qatnashishdi. Yigʻilishni fuqarolar yigʻini raisi A.Seytimov olib bordi.
Yigʻilishda Oʻzbekiston Respublikasi Prezidentining 2021-yil 6-iyuldagi “Korruptsiyaga qarshi murosasiz munosabatda boʻlish muhitini yaratish, davlat va jamiyat boshqaruvida korruptsiyaviy omillarni keskin kamaytirish va bunda jamoatchilik ishtirokini kengaytirish chora-tadbirlari toʻgʻrisida”gi Farmoni, korruptsiyaga qarshi kurashish boʻyicha 2021-2022-yillarga moʻljallangan Davlat dasturining 34-bandi ijrosini taʼminlash kabilar boʻyicha soʻz yuritildi. Shuningdek, korruptsiya davlat va jamiyat taraqqiyoti uchun eng jiddiy xavf-xatarlardan biri ekanligi, buni aholi va davlat xizmatchilari ongiga singdirib borish lozimligi taʼkidlab oʻtildi. Oʻzbekiston Respublikasida “Korruptsiyaga qarshi kurashish toʻgʻrisida”gi Qonunining mazmun-mohiyati toʻgʻrisida ham keng tushuntirish berildi.
Yigʻilish soʻnggida ishtirokchilarning turli savollariga atroflicha javoblar berildi. Ochiq muloqot, bahs va munozaralar tarzida oʻtgan yigʻilishda qatnashganlar huquqiy bilimlarini mustahkamlab, kerakli maʼlumotlarga ega boʻldilar.
J.Oʻrazboyev, Jinoyat ishlari boʻyicha Amudaryo tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
