Qipchoq davlat oʻrmon xoʻjaligi tasarrufidagi 16 ming 545 gektar yer maydonlaridan samarali foydalanilmoqda

Qipchoq davlat oʻrmon xoʻjaligining umumiy yer maydoni 16 ming 545 gektar boʻlib, shundan oʻrmon bilan qoplangan maydonlar 5 ming 167 gektar, tutashmagan oʻrmonzorlar 855 gektar, oʻrmon koʻchatxonalari 20,5 gektar, taqir yerlar 6,8 gektar, xaydaladigan yerlar 24,5 gektar, yaylovlar 689,9 gektar, suvli yerlar 2,4 gektar, yoʻllar 10 gektar, qumliklar 1 ming 894 gektar, boshqa yerlar esa 8 ming 729 gektardan ziyodni tashkil qiladi.

Joriy yilda xoʻjalikda madaniy oʻrmon barpo qilish, urugʻchilik, koʻchatchilik boʻyicha urugʻ tayyorlash yillik rejasi 3 ming 900 kg. Qilib belgilangan boʻlib, hozirgi kungacha jami 7 ming 660 kg. urugʻlar tayyorlandi. Shundan 7000 kg. saksovul urugʻlari terilib, orol dengizining qurigan tubida va tuman qumli hududlarida urugʻdan oʻrmon barpo etish uchun sepildi. Qayragʻoch, tut, yasen, klyon, sharq tuyasi, shaftoli, oʻrik urugʻlari tayyorlanib, koʻchatxonalarga ekildi.

Bu yil koʻchatdan, urugʻdan 175 gektar madaniy oʻrmon barpo qilish belgilangan boʻlib, hozirgi kunga 70 gektardagi qumli hududlarga saksovul urugʻlari, bundan tashqari 4 gektarga yasen, klyon, katalpa va oqterak koʻchatlari ekildi. Orol dengizining qurigan tubida 2000 gektar maydonda oʻrmon barpo etish uchun urugʻ sepildi.

Shuningdek 11,35 gektar maydonda 1 mln. 50 ming dona nihol va koʻchatlar ekildi. Bulardan tashqari xoʻjalikda dorivor va ozuqabop oʻsimliklar urugʻlarini tayyorlash va ekishga ham eʼtibor qaratilmoqda. Shu kungacha 28 gektar maydonga dorivor oʻsimliklar ekildi.

 Qoʻshimcha tarmoqlarni rivojlantirish boʻyicha asalalari uyalari soni 185 taga yetkazildi va 750 kg. asal olindi. Parrandalar bosh soni xususiy subʼektlar bilan birga 1 ming 512 taga, qoramollar soni esa 95 boshga yetkazildi.

Xoʻjalikda yerlardan samarali foydalanish maqsadida 2022-yilda 15 gektar maydonda qishloq xoʻjaligi ekinlari ekildi. Bular ozuqabop ekinlar, bugʻdoy, sholi va boshqa ekinlar boʻlib hosili yigʻib olindi.

Tumanimizning "Oq oltin" va "Amir Temur" nomli ovullar hududiga 2022-yilda jami yangidan 20 gektar maydonga tut koʻchatlari ekildi. Ushbu ekilgan ihotazorlar sugʻoriladigan yerlarning meliorativ holatini yaxshilab, garmseldan himoya qiladi va hosildorligini koʻtarishga xizmat qiladi.

Bundan tashqari ichki turizmni rivojlantirish maqsadida oʻrmon fondi hududida “Sohil boʻyi” dam olish maskani tashkil etildi. Bu yerda aholining oilaviy dam olishlari uchun oʻtovlar, choʻmilish havzasi, qayiq va choʻmilish anjomlari, qumli maydon mavjud.

Oʻrmonlar umumxalq boyligi. Ular davlat muhofazasida boʻlib, oʻrmonlarni asrash, kelajak avlodlarga yanada boyitilgan holda yetkazish barchamizning vazifamizdir. Biroq hududga oʻzboshimchalik bilan kirish, ov qilish, daraxtlarni topish, chorva mollarini boqish kabi holatlar ham baʼzida uchrab turadi. Bular boʻyicha joriy yilning oʻtgan davrida 12 ta holatda qonunbuzilish holatlari aniqlanib, tegishli maʼmuriy organlar tomonidan choralar koʻrildi.

Buningdek holatlar takrorlanmasligi uchun xoʻjalik bilan chegaradosh hududlarda tushuntirish-targʻibot tadbirlari oʻtkazilmoqda. Chunki, bugungidek ekologik ogʻir vaziyatdan bizni faqat ona tibatga boʻlgan oqilona munosabatimizgina qutqara oladi.

Erkinboy Toʻrayev, “Qipchoq” davlat oʻrmon xoʻjaligi raisi.