"JAYXUN ILHOMLARI" NNT DAVLAT GRANTI SOHIBI BOʻLDI
Tumanimizdagi “Jayxun ilhomlari” nodavlat notijorat tashkiloti shu yilning avgust oyida Qoraqalpogʻiston Respublikasi Joʻqorgʻi Kengesi huzuridagi NNTlar va fuqarolik jamiyatining boshqa institutlarini qoʻllab-quvvatlash jamoat fondi tomonidan eʼlon qilingan 4-grant tanlovida ishtirok etish uchun “Besh tashabbus – besh imkoniyat!” nomli loyihasini yuborgan edi. Komissiya tomonidan koʻrib chiqilgan ushbu loyiha gʻolib, deb topildi va davlat granti bilan moliyalashtirildi.
Mazkur loyihaning mazmuni - manzilli qoʻllab-quvvatlash daftarlariga kiritilgan yoshlarning “Besh muhim tashabbus” doirasida ijtimoiy faolligini oshirishga koʻmaklashish, shu yoʻl orqali taʼlim muassasasi, oila va mahalla institutlari bilan ijtimoiy hamkorlikni kengaytirish, yoshlarning vaqtlarini mazmunli tashkil qilish, bu borada ommaviy axborot vositalarining imkoniyatlaridan keng foydalanishdan iborat.
“Jayxun ilhomlari” NNT binosida birgalikda loyiha doirasida ish yurituvchi tashkilotlar vakillari bilan taʼsis majlisi oʻtkazildi.
Majlisda tuman maʼnaviyat va maʼrifat boʻlimi, Xalq taʼlimi boʻlimi, aholi bandligiga koʻmaklashish markazi, yoshlar ishlari agentligi tuman boʻlimi, oila va xotin-qizlar boʻlimi, sport boʻlimi, “Taraqqiyot koʻzgusi” gazetasi tahririyati xodimlari ishtirok etdilar.
Jamoat tashkilotlarining birgalikda ish olib borishi grant loyihamiz ish rejalarining muvaffaqiyatli bajarilishiga ulkan hissa qoʻshadi, albatta.
Oʻrozali REYIMOV, “Jayxun ilhomlari” NNT raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
