SUD MASʼULLARINING SAYYoR QABULI OʻTKAZILDI
Oʻzbekiston Respublikasi Prezidenti Sh.M.Mirziyoyevning sud organlari tizimida odil sudlovni taʼminlash borasidagi ishlarning ahvoli, muammolar va kelgusidagi vazifalarning muhokamasiga bagʻishlangan yigʻilishda belgilangan vazifalar ijrosini taʼminlash yuzasidan fuqarolarning buzilgan huquq va erkinliklarini sud orqali ishonchli ximoya qilish maqsadida olis qishloq va mahallalarda sud masʼullarining sayyor qabullari oʻtkazilib kelinmoqda.
Shu yil 22-oktyabr kuni Beshtom mahallasi va Nazarxon ovulida Jinoyat ishlari boʻyicha Amudaryo tuman sudi masʼullari, Iqtisodiy ishlari boʻyicha Beruniy tumanlararo sudi sudyasi Bayram Bekmuradovlarning ishtirokida sayyor qabul oʻtkazildi. Sayyor qabulda 31 nafar fuqarolarning murojaatlari qabul qilinib, koʻrib chiqildi.
Qabul davomida 5 nafar fuqaroning meros boʻlib qolgan uy-joyiga kadastr hujjat tayyorlash, 4 nafar fuqaroning kadastr agentligi tomonidan solingan jarima jazosidan noroziligi, 4 nafar fuqaroning oilasiga moddiy yordam masalasida, 6 nafar fuqaroning kredit masalasida, 3 nafar fuqaroning ichimlik suv masalasida, 2 nafar fuqaroning oʻlim toʻgʻrisidagi guvohnomasini olish masalasida va boshqa masalalar yuzasidan murojaatlari tinglandi.
Sayyor qabuldan soʻng, sud masʼullari “Korruptsiyaga qarshi kurashish, odam savdosi, ayniqsa, chaqaloq savdosining oldini olish va Oila va xotin qizlarni tizimli qoʻllab-quvvatlashga doir” Prezident Farmonining, Oʻzbekiston Respublikasining “Toʻlovga qobiliyatsizlik toʻgʻrisida”gi Qonunining mazmun-mohiyati haqida tushuntirishlar berib oʻtdi.
Qabulda ishtirok etgan fuqarolar oʻzlarini qiziqtirgan sud-huquq sohasiga doir masalalar yuzasidan savollari boʻyicha tegishli javoblar oldilar.
J.Oʻrazboyev, Jinoyat ishlari boʻyicha Amudaryo tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
