71-SONLI MAKTABDA TIL BAYRAMIGA BAGʻIShLANGAN TADBIR OʻTKAZILDI
Yurtning barcha taʼlim-tarbiya muassasalarida oʻzbek tiliga davlat tili maqomi berilgan kun keng nishonlandi. Ushbu bayram bizning 71-sonli umumiy oʻrta taʼlim maktabimizda ham katta shodiyonalar bilan oʻtkazildi.
Maktabimizning iqtidorli oʻquvchilari tomonidan tayyorlangan tadbirni maktab direktori Ruslan Kamolov ochib berdi. Shundan soʻng, oʻquvchilar ijrosida til bayramiga bagʻishlangan kuy- qoʻshiqlar ijro etildi. Ayniqsa, ona tili fani oʻqituvchisi Muhabbat Madatova rahbarligidagi 5-sinf oʻquvchilarining “100 ta telefondan bitta kitob” deb nomlangan sahna koʻrinishi hammaga manzur boʻlib, katta olqishlarga sazovor boʻldi.
Uning kitobxonlikni targʻib qiluvchi yakuni barchaning koʻnglida kitob oʻqishga ishtiyoq uygʻotdi.
Tadbir yakunida maktabimiz ijodiy-madaniy masalalar boʻyicha targʻibotchisi Robigʻa Toʻrayeva oʻquvchilarni bayram bilan tabriklab, kitobni sevish va oʻzbek tilini mukammal bilish ular uchun kelajak eshiklarining kaliti ekanligini taʼkidlab barchaga omad tiladi.
Hulkaroy Abdurahmonova, 71-sonli maktab oʻquvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
