“KEKSALAR HAFTALIGI” DOIRASIDA NAZARXONLIK KEKSALAR ChUQURLAShTIRILGAN TIBBIY KOʻRIKDAN OʻTKAZILDI

Amudaryo  tumanidagi Nazarxon ovul fuqarolar yigʻinida ham “Keksalar haftaligi” doirasida ijtimoiy-maʼnaviy tadbirlar amalga oshirilmoqda. Nogironligi boʻlgan, yakka-yolgʻiz keksalar holidan xabar olinib, ularning salomatligini yaxshilash choralari koʻrilmoqda. Xususan, 7-oktyabr kuni Nazarxon OFY aholisiga xizmat koʻrsatuvchi Amudaryo tuman Tibbiyot birlashmasiga qarashli  Berdaq oilaviy shifokorlik punktida chuqurlashtirilgan  tibbiy koʻrik oʻtkazildi. 

Chuqurlashtirilgan tibbiy koʻrikni oʻtkazishda Amudaryo tuman Tibbiyot birlashmasi boshligʻining tashabbusi bilan tashkil qilinib, oila shifokori, nevrolog, kardiolog, okulist, terapevt, stomatolog, otolaringolog shifokorlari ishtirokida, ultratovush, elektrokardiogramma, va laborator tahlillari oʻtkazildi.

Koʻrik  davomida tibbiy avtobus bilan Nazarxon OFY ning Saykoʻl, Belsendi, Derbent, Jipek joli hududlariga borilib,  66 nafar qariyalar toʻliq tibbiy koʻrikdan oʻtkazildi.

Tibbiy koʻrik natijasida 44 nafar fuqaroda turli xildagi kasalliklar  aniqlanib, ularning 41 nafariga ambulator  sharoitda, 3 nafar bemorga kasallik turlariga qarab, statsionar davolanish  va sogʻlomlashtirish   boʻyicha tavsiyalar berildi.  3-4-guruhga kiruvchi, uyda yotib qolgan bemorlar holidan xabar olinib, mehr-muruvvat yordami koʻrsatildi va bepul  dori-darmonlar berildi.

Tibbiy koʻrikdan oʻtkazilgan fuqarolarga shifokorlar hamda  Tibbiyot birlashmasining Aholining sogʻlom turmush tarzini qoʻllab-quvvatlash va jismoniy faolligini oshirish boʻlimi tomonidan kasalliklarning oldini olish borasida  toʻgʻri ovqatlanish, jismoniy faollik, zararli odatlarga berilmaslik, ruhiy osoyishtalik, shaxsiy va jamoat gigiyenasi, kun tartibi, tibbiy madaniyat tushunchalari toʻgʻrisida maslahatlar berildi hamda ushbu mavzularga oid 35 xildagi eslatma va bukletlar tarqatildi.

Robiya YOʻLDOShEVA.