TIBBIYoT BIRLAShMASIDA “KEKSALAR HAFTALIGI” DOIRASIDAGI TADBIRLAR OʻTKAZILDI
Joriy yilning 3-9-oktyabr kunlari “Keksalarni eʼzozlash, ularga hurmat-ehtirom koʻrsatish – xalqimizga xos ezgu fazilat” gʻoyasi ostida mamlakatimizning barcha hududlarida “Keksalar haftaligi” tadbirlari oʻtkazilmoqda.
Amudaryo tumani Tibbiyot birlashmasida ham “Keksalar haftaligi” doirasida shu yil 4-oktyabr kuni Birlashma boshligʻi oʻrinbosari Zokir Oʻrozboyev boshchiligida yosh shifokorlar bilan nuroniy shifokorlar uchrashuvi yuqori saviyada tashkil qilindi. Bu kabi tadbirlar keksa avlod vakillariga boʻlgan gʻamxoʻrlik va eʼtiborni kuchaytirish boʻlsa, ikkinchidan yosh avlod uchun ulkan tarbiya va tajriba maktabi hamdir.
Tadbirda uzoq yillardan buyon sohada samarali mehnat qilib kelayotgan shifokorlar Farhod Allaberganov, Jumaboy Yavkashevlar tibbiyot muassasalarida nuroniylarning salomatligini asrash, uzoq umr kechirishini taʼminlashda ularga koʻrsatilayotgan zamonaviy tibbiy-profilaktika, diagnostika va davolash xizmatining sifati va samarasini yanada yuksaltirishga alohida eʼtibor qaratilayotgani, keksa avlod vakillariga doimiy eʼtibor va gʻamxoʻrlik yanada ortayotgani toʻgʻrisida faxrlanib soʻzladilar. Mehnat faoliyati bundan 30-40-yil oldingi davr shifoxonalarida kechgan faxriy shifokor Farhod Allaberganov hozirgi davrdagi zamonaviy sharoitlar toʻgʻrisida toʻxtalib, yoshlarni Vatanimiz ravnaqiga samarali mehnati bilan hissa qoʻshishga chorladi.
“Keksalar haftaligi” doirasidagi shu kabi uchrashuv 5-oktyabr kuni yana davom ettirldi hamda tuman Tibbiyot birlashmasi majlislar zalida mehnat faxriylari, tibbiyot xodimlari va yosh shifokorlar bilan uchrashuv oʻtkazildi.
Tadbirni Tibbiyot birlashma boshligʻi oʻrinbosari Hakimboy Sobirov ochdi va oʻz tajribalarini yoshlarga oʻrgatib kelayotgan soha faxriylariga minnatdorchilik bildirdi. Faxriy nuroniy urolog-shifokor Sulton Tojiniyozov, oftalmolog shifokor Tojiboy Doʻsanov, metodist-shifokor Jumaboy Yavkashevlar soʻzga chiqishdi.
Urolog-shifokor S.Tojiniyozov, T.Doʻsanovlar tumanimizda tibbiyot sohasida amalga oshirilayotgan islohotlar, axoliga sifatli va malakali tibbiy xizmat kursatishda olib borilayotgan samarali ishlar toʻgʻrisida fikrlar bildirishdi.
Shuningdek, Birlashma maʼmuriyati va hudud shifokorlari tibbiyot faxriylari xonadoniga tashrif buyurib, holidan xabar olishdi va mazsunli suhbatlaridan bahramand boʻldilar.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
