ТИББИЁТ БИРЛАШМАСИДА “КЕКСАЛАР ҲАФТАЛИГИ” ДОИРАСИДАГИ ТАДБИРЛАР ЎТКАЗИЛДИ
Жорий йилнинг 3-9 октябрь кунлари “Кексаларни эъзозлаш, уларга ҳурмат-эҳтиром кўрсатиш – халқимизга хос эзгу фазилат” ғояси остида мамлакатимизнинг барча ҳудудларида “Кексалар ҳафталиги” тадбирлари ўтказилмоқда.
Амударё тумани Тиббиёт бирлашмасида ҳам “Кексалар ҳафталиги” доирасида шу йил 4 октябрь куни Бирлашма бошлиғи ўринбосари Зокир Ўрозбоев бошчилигида ёш шифокорлар билан нуроний шифокорлар учрашуви юқори савияда ташкил қилинди. Бу каби тадбирлар кекса авлод вакилларига бўлган ғамхўрлик ва эътиборни кучайтириш бўлса, иккинчидан ёш авлод учун улкан тарбия ва тажриба мактаби ҳамдир.
Тадбирда узоқ йиллардан буён соҳада самарали меҳнат қилиб келаётган шифокорлар Фарҳод Аллаберганов, Жумабой Явкашевлар тиббиёт муассасаларида нуронийларнинг саломатлигини асраш, узоқ умр кечиришини таъминлашда уларга кўрсатилаётган замонавий тиббий-профилактика, диагностика ва даволаш хизматининг сифати ва самарасини янада юксалтиришга алоҳида эътибор қаратилаётгани, кекса авлод вакилларига доимий эътибор ва ғамхўрлик янада ортаётгани тўғрисида фахрланиб сўзладилар. Меҳнат фаолияти бундан 30-40 йил олдинги давр шифохоналарида кечган фахрий шифокор Фарҳод Аллаберганов ҳозирги даврдаги замонавий шароитлар тўғрисида тўхталиб, ёшларни Ватанимиз равнақига самарали меҳнати билан ҳисса қўшишга чорлади.
“Кексалар ҳафталиги” доирасидаги шу каби учрашув 5 октябрь куни яна давом эттирлди ҳамда туман Тиббиёт бирлашмаси мажлислар залида меҳнат фахрийлари, тиббиёт ходимлари ва ёш шифокорлар билан учрашув ўтказилди.
Тадбирни Тиббиёт бирлашма бошлиғи ўринбосари Ҳакимбой Собиров очди ва ўз тажрибаларини ёшларга ўргатиб келаётган соҳа фахрийларига миннатдорчилик билдирди. Фахрий нуроний уролог-шифокор Султон Тожиниёзов, офтальмолог шифокор Тожибой Дўсанов, методист-шифокор Жумабой Явкашевлар сўзга чиқишди.
Уролог-шифокор С.Тожиниёзов, Т.Дўсановлар туманимизда тиббиёт соҳасида амалга оширилаётган ислоҳотлар, ахолига сифатли ва малакали тиббий хизмат курсатишда олиб борилаётган самарали ишлар тўғрисида фикрлар билдиришди.
Шунингдек, Бирлашма маъмурияти ва ҳудуд шифокорлари тиббиёт фахрийлари хонадонига ташриф буюриб, ҳолидан хабар олишди ва мазсунли суҳбатларидан баҳраманд бўлдилар.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
