Sportning anʼanaviy karate-do turi böyiça oçiq çempionat bölib ötdi

Mamlakatimizda amalga oşirilayotgan islohotlar, jumladan, jismoniy tarbiya va sport sohasiga qaratilayotgan eʼtibor Yangi Özbekiston kelajagini yuksaltiriş, millat genafondini yanada soğlomlaştirişga qaratilgani bilan ahamiyatlidir.

Qolaversa, hukumatimiz tomonidan sohani rivojlantiriş orqali Özbekiston sportini dunyo miqyosida namoyon etişga alohida eʼtibor qaratilmoqda.

Darhaqiqat, sport olimpiadalarida sportçilarimiz erişgan muvaffaqiyatlari yurtimiz bayroğini köklarga kötarişi bilan birga yoş avlodning jismonan soğlom bölib voyaga yetişida muhim vosita bölib xizmat qiladi. Şu maqsadda Respublikamizning barça hududlarida bölgani singari Amudaryo tumanida ham sport sohasiga alohida eʼtibor qaratilib kelinmoqda.

27-sentyabr kuni Manğit şahri Olmazor mahallasi hududidagi Bolalar va ösmirlar sport maktabida Qoraqalpoğiston Respublikasi anʼanaviy karate-do federatsiyasi tomonidan Özbekiston Respublikasi Mustaqilligining 31 yilligi munosabati bilan “Yangi Özbekistonda el aziz, inson aziz!” şiori ostida sportning anʼanaviy karate-do turi böyiça tuman oçiq çempionati bölib ötdi.

Çempionat 5-17 yoş oraliğidagi ösmirlar va qizlar örtasida, şuningdek 18 yoşdan kattalar örtasida ötkazildi.

Çempionatning oçiliş marosimida tuman hokimi Sultonboy Yöldaşev, Qoraqalpoğiston Respublikasi anʼanaviy karate-do federatsiyasi Prezidenti Öktam Abduraimov, 3-sektor rahbari, tuman Içki işlar bölimi boşliği Jamaladdin Yusupov, 4-sektor rahbari, tuman Davlat Soliq inspektsiyasi boşliği Aydos Seyitov, Amudaryo tumani sportni rivojlantiriş bölimi boşliği Ğulom Qurbanbayev hamda Şimoli-ğarbiy harbiy okrug orkestr jamaosi iştirok etişdi.

Qoraqalpoğiston Respublikasi anʼanaviy karate-do federatsiyasi Prezidenti Öktam Abduraimov mamlakatimizda jismoniy tarbiya va sportni ommalaştiriş ijtimoiy siyosatning muhim yönalişlaridan biri etib belgilangani, sport aholi salomatligini mustahkamlaş, yoş avlodni soğlom va barkamol etib tarbiyalaş orqali jamiyatda soğlom turmuş tarzini qaror toptirişga xizmat qilişini aytib ötdi.

Şuningdek, sport turli kasalliklar, yoşlar örtasida zararli odatlarning oldini olişga xizmat qilişini, qolaversa sport yuksak madaniyat, vatanparvarlik tuyğularini şakllantirişda ham muhim örin tutişini taʼkidladi.

Şundan söng, tuman hokimi Sultonboy Yöldaşev tumandagi yoşlarning sport sohasida erişayotgan muvaffaqiyatlirini, qölga kiritayotgan ğalabalarini eʼtirof etdi. Şuningdek, mustaqillik yillarida sportni rivojlantiriş sohasida keng kölamli işlar amalga oşirilganini, aholining, ayniqsa, yoş avlodning jismoniy tarbiya va ommaviy sport bilan muntazam şuğullanişlari uçun barça zarur şaroitlar yaratib berilganini, hududlarimizda köpgina sport inşootlari va majmualari, öyingohlar bunyod etilganini taʼkidlab, çempionat qatnaşçilarining barçasiga omad tiladi va çempionatni oçiq deb eʼlon qildi.

Şundan söng, Özbekiston va Qoraqalpoğiston Respublikalarining davlat madhiyalari yangrab, Şimoli-ğarbiy harbiy okrug orkestr jamaosining çiqişlari namoyiş etildi.

Musobaqada 50 dan ortiq tumanimiz sportçilari hamda Qönğirot tumanidan taşrif buyurgan ösmirlar va qiz bolalar iştirok etişdi. Musobaqa har bir yoş toifasi böyiça olimpiya tizimi asosida ötkazildi.

Çempionat yakunida ğolib bölgan sportçilar esdalik sovğalari va diplom bilan taqdirlandi. Şuningdek, tumanda sportni rivojlantirişga, ayniqsa, karate-do turining rivojlanişiga munosib hissa qöşgan sektor rahbarlariga Qoraqalpoğiston Respublikasi anʼanaviy karate-do federatsiyasining taşakkurnomasi tantanali tarzda topşirildi.

Tuman hokimligining Axborot xizmati.