Prezident Farmonining mazmun-mohiyati yoshlar orasida keng targʻib qilinmoqda

Yoshlar – bizning kelajagimiz. Ularni har tomonlama qoʻllab-quvvatlash, qobiliyatlarini roʻyobga chiqarish, bandligini taʼminlash, tadbirkorlik gʻoyalarini amalga oshirishga yordam berish davlatimiz siyosatinig ustuvor vazifalaridan biri hisoblanadi.

Shu maʼnoda, yoshlarga oid davlat siyosatini tubdan isloh qilish va yangi bosqichga olib chiqish maqsadida Yoshlar ishlari agentligi tashkil etildi. Bugungi kunda agentlikning Amudaryo tuman boʻlimi samarali tarzda faoliyat olib bormoqda.

 Yoshlarni Vatanga sadoqat, milliy va umuminsoniy qadriyatlarga hurmat ruhida tarbiyalash, ilm-fan va innovatsiyalarga keng jalb etish borasida erishilayotgan yutuqlarni “Besh tashabbus olimpiadasi” natijalaridan ham bilib olishimiz mumkin.

Tumanimizdagi 49 ta ovul va mahalla fuqarolar yigʻiniga biriktirilgan yoshlar yetakchilari sport musobaqalari, koʻrik-tanlovlar, maʼnaviy-maʼrifiy tadbirlarni tashkil etishda faollik bilan ish olib bormoqdalar.

Xususan, “Yoshlarning bush vaqti — yetakchining ish vaqti” tamoyili asosida maxalla yoshlarning bush vaqtlarini mazmunli oʻtkazishga qaratilan 1 ming 550 ta tadbirlar oʻtkazilib, mahallalardagi 45 ming nafardan ortiq yoshlar qamrab olindi.

 “Besh tashabbus olimpiadasi”ning birinchi mavsumida Oʻzbekiston Respublikasi bosqichida 17 nafar yoshlarimiz gʻoliblikni qoʻlga kiritishgani barchamizga gʻurur va iftixor bagʻishladi.

 Shuningdek, “Yoshlar daftari” ga kiritilgan yoshlarni har tomonlama qoʻllab-quvvatlash borasida Yoshlar ishlari agentligi tuman boʻlimi tomonidan koʻplab samarali ishlar amalga oshirilmoqda.

 Yil boshidan “Yoshlar daftari”ga 2 ming 325 nafar yoshlar kiritilib, joriy yilning 8 oyi davomida olib borilgan amaliy ishlar va koʻrsatilgan yordam natijasida ularning 2 ming 119 nafari “Yoshlar daftari”dan chiqarildi.

Muhtaram Prezidentimiz tomonidan yoshlarni har tomonlama qoʻllab-quvvatlash borasida qabul qilayotgan Farmon va qarorlar, taʼlim sohasiga qaratayotgan eʼtibor natijasi oʻlaroq yoshlarga keng imkoniyatlar eshiklari ochilmoqda.

Xususan, Oʻzbekiston Respublikasi Prezidentining “Qoraqalpogʻiston Recpublikasida tadbirkorlik, innovatsion texnologiyalar va infratuzilmalarni jadal surʼatlarda rivojlantirish orqali aholi farovonligini oshirishning qoʻshimcha chora-tadbirlari toʻgʻrisida”gi Farmoni ham qoraqalpogʻistonlik yoshlar uchun muhim ijobiy yangilik boʻldi.

Farmonda 2022/2023 oʻquv yili uchun Qoraqalpogʻiston Respublikasida umumiy oʻrta, oʻrta-maxsus va professional taʼlim muassasalarini tamomlagan 500 nafar, keyingi oʻquv yillari uchun esa har yili 1-sentyabrga qadar 6 500 nafar yoshlarning viloyatlardagi davlat oliy taʼlim muassasalariga qoʻshimcha qabul parametrlari asosida oʻqishga qabul qilinishi belgilab qoʻyildi.

Farmonda Qoraqalpogʻiston Respublikasining iqtisodiyot tarmoqlarida innovatsion jarayonlarning jadallashuviga erishish, resurslardan foydalanish samaradorligini oshirish va hududni jadal surʼatlarda rivojlantirishning asosiy yoʻnalishlaridan biri sifatida aynan yoshlar bandligini taʼminlash masalasi ham belgilangani yoshlarga, ularning bandligini taʼminlash orqali jamiyatning faol aʼzolari boʻlishlariga qaratilayotgan eʼtiborning yorqin namunasidir.

Tuman hokimligining Axborot xizmati