TAʼLIM RUS TILIDA BERILADIGAN SINFLARDA YaNGI PEDAGOGIK TEXNOLOGIYaLAR SAMARALI NATIJA BERADI
Har bir oʻqituvchi yangi pedagogik texnologiyalar, axborot kommunikatsiya vositalaridan samarali foydalanishni bilish kerak. Chunki ayni davrda bu dars mashgʻulotlarining samarasini oshirishda muhim ahamiyat kasb etadi.
Men ham koʻp yillardan beri rus tilida taʼlim beriladigan boshlangʻich sinflarda mashgʻulotlar oʻtib kelmoqdaman. Dars jarayonlarida yangi texnologiyalarni qoʻllash uchun oʻqituvchi eng avvalo oʻzi zamonaviy bilimlarni egallashi kerak. Hozirgi paytdagi zamonaviy taʼlim jarayonining mohiyatini toʻlaqonli anglab yetgan holda men koʻproq oʻz ustimda ishlab, tushunchalarimni kengaytirib borishga harakat qilaman.
Oʻquv jarayoniga interfaol multimediya, elektron oʻqitish va har xil oʻyinli mashgʻulotlarni joriy etib, oʻquvchilarning oʻzlashtirish darajasini oshirishga intilaman. Chunki multimediyali dasturlar, bilimlarni turli elektron tasvirlar orqali tushuntirib borish taʼlim samarasini oshirishda muhim oʻrin tutadi.
Oʻtayotgan 2021-2022 oʻquv yili davomida men rus tilida taʼlim bergan 1-sinf oʻquvchilari bilan birgalikda rus alifbosidagi harflarni oʻzlashtirib boʻlganlaridan soʻng, savodxonlik bayrami oʻtkazildi. Yangi yil va boshqa bayram tadbirlarida ham oʻquvchilar koʻtarinki ruhda ishtirok etishdi va oʻzlarining barcha bilimlarni samarali oʻzlashtirishayotganini namoyon etishdi. Nafaqat bayram tadbirlari, balki fanlar boʻyicha oʻzaro bellashuvlar, zakovat tadbirlari oʻtkazilganida ham alifbodagi harflarni, rus shoirlari sheʼrlarini biyron va burro aytib, mantiqiy savollarga ham tezda javob topishni uddalashdi.
Men, albatta, bu samarani dars mashgʻulotlariga yangi pedagogik texnologiyalar, axborot kommunikatsiya vositalarini qoʻllash natijasi deb bilaman va boshqa hamkasblarimga ham ushbu vositalardan foydalangan holda darslarni tashkil etishlarini tavsiya qilaman.
Dilbar Abdukarimova, 30-sonli maktabning boshlangʻich sinf oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
