ТАЪЛИМ РУС ТИЛИДА БЕРИЛАДИГАН СИНФЛАРДА ЯНГИ ПЕДАГОГИК ТЕХНОЛОГИЯЛАР САМАРАЛИ НАТИЖА БЕРАДИ
Ҳар бир ўқитувчи янги педагогик технологиялар, ахборот коммуникация воситаларидан самарали фойдаланишни билиш керак. Чунки айни даврда бу дарс машғулотларининг самарасини оширишда муҳим аҳамият касб этади.
Мен ҳам кўп йиллардан бери рус тилида таълим бериладиган бошланғич синфларда машғулотлар ўтиб келмоқдаман. Дарс жараёнларида янги технологияларни қўллаш учун ўқитувчи энг аввало ўзи замонавий билимларни эгаллаши керак. Ҳозирги пайтдаги замонавий таълим жараёнининг моҳиятини тўлақонли англаб етган ҳолда мен кўпроқ ўз устимда ишлаб, тушунчаларимни кенгайтириб боришга ҳаракат қиламан.
Ўқув жараёнига интерфаол мультимедия, электрон ўқитиш ва ҳар хил ўйинли машғулотларни жорий этиб, ўқувчиларнинг ўзлаштириш даражасини оширишга интиламан. Чунки мультимедияли дастурлар, билимларни турли электрон тасвирлар орқали тушунтириб бориш таълим самарасини оширишда муҳим ўрин тутади.
Ўтаётган 2021-2022 ўқув йили давомида мен рус тилида таълим берган 1-синф ўқувчилари билан биргаликда рус алифбосидаги ҳарфларни ўзлаштириб бўлганларидан сўнг, саводхонлик байрами ўтказилди. Янги йил ва бошқа байрам тадбирларида ҳам ўқувчилар кўтаринки руҳда иштирок этишди ва ўзларининг барча билимларни самарали ўзлаштиришаётганини намоён этишди. Нафақат байрам тадбирлари, балки фанлар бўйича ўзаро беллашувлар, заковат тадбирлари ўтказилганида ҳам алифбодаги ҳарфларни, рус шоирлари шеърларини бийрон ва бурро айтиб, мантиқий саволларга ҳам тезда жавоб топишни уддалашди.
Мен, албатта, бу самарани дарс машғулотларига янги педагогик технологиялар, ахборот коммуникация воситаларини қўллаш натижаси деб биламан ва бошқа ҳамкасбларимга ҳам ушбу воситалардан фойдаланган ҳолда дарсларни ташкил этишларини тавсия қиламан.
Дилбар Абдукаримова, 30-сонли мактабнинг бошланғич синф ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
