SINOV TARIQASIDA AHOLINI ROʻYXATGA OLISh JARAYoNLARINING DASTLABKI NATIJALARI VA ASOSIY TADBIRGA TAKLIFLAR

Oʻzbekiston Respublikasi Vazirlar Mahkamasining 2020-yil 11-noyabrdagi "Oʻzbekiston Respublikasida 2023-yilda aholini roʻyxatga olishga tayyorgarlik koʻrish va uni oʻtkazish chora-tadbirlari toʻgʻrisida"gi 710-sonli Qaroriga muvofiq 2021-yil 1-25-noyabr kunlari Andijon viloyatining Xoʻjaobod tumani, Toshkent viloyatining Yuqori Chirchiq tumani, Xorazm viloyatining Xiva shahri hamda Toshkent shahrining Yashnobod tumanlarida aholini sinov tariqasida roʻyxatga olish tadbiri oʻtkazildi.

Aholining internet tarmogʻi orqali roʻyxatdan oʻtish toʻgʻrisida toʻliq xabardor emasligi va maxsus axborot tizimidan (census.stat.uz) foydalanish boʻyicha tushunchasi yetarli emasligi sababli 4 ta hudud boʻyicha internet tarmogʻi orqali 10341 kishi (jami aholiga nisbatan 1,8 foiz) roʻyxatdan oʻtdi. Hududlar boʻyicha bu koʻrsatkich Xoʻjaobod tumanida 2281 kishi (2 foiz), Yuqori Chirchiq tumanida 4229 kishi (3 foiz), Xiva shahrida 1301 kishi (1,5 foiz) va Yashnobod tumanida 2530 kishi (1 foiz) roʻyxatga olindi.

Sinov tariqasida aholini roʻyxatga olish jarayonlarida 80 ta planshet qurilmalaridan foydalangan holda roʻyxatga olish ishlari olib borildi. Planshet usulida roʻyxatga olish jarayonlari qogʻoz usuliga qaraganda qulayligi, tezkorligi va samaraliroq ekanligi kuzatildi.

Oʻn ikki kun davomida oʻtkazilgan roʻyxatga olish jarayonlarida qogʻoz usulida bir nafar roʻyxatga oluvchi oʻrtacha 350 nafardan 400 nafargacha shaxslarni roʻyxatga olgan boʻlsa, planshet usulida esa oʻrtacha 500-750 nafargacha toʻgʻri keldi.

Shu bois, ish unumdorligini oshirish maqsadida 2023-yilda butun respublikamizda oʻtkaziladigan aholini roʻyxatga olish jarayonlarini qogʻoz usulidan voz kechgan holda, internet tarmogʻi orqali va planshet qurilmalaridan foydalangan holda oʻtkazish taklif etilmoqda.

H.Egamberganov,

tuman Statistika boʻlimi bosh mutaxassisi.