MEHNATGA OID MUNOSABATLAR ShARTNOMA BILAN MUSTAHKAMLANADI
Mehnat shartnomasi xodim bilan ish beruvchi oʻrtasida muayyan mutaxassislik, malaka, lavozim boʻyicha ishni ichki mehnat tartibiga boʻysungan holda taraflar kelishuvi, shuningdek, mehnat toʻgʻrisidagi qonunlar va boshqa normativ hujjatlar bilan belgilangan shartlar asosida haq evaziga bajarish haqidagi kelishuvdir. U mehnatga oid munosabatlarni huquqiy jihatdan tartibga solishni taʼminlashda muhim oʻrin egallaydi.
Oʻzbekiston Respublikasi Konstitutsiyasiga muvofiq, fuqarolarga kafolatlab qoʻyilgan mehnat qilish huquqining korxona va tashkilotlarga ishga yollanish asosida amalga oshirilishi xodim va ish beruvchi oʻrtasida belgilangan tartibda mehnat shartnomasi tuzish yoʻli bilan amalga oshiriladi. Mehnat shartnomasi uning taraflarda paydo boʻladigan huquq va burchlarini oʻzida ifodalovchi hujjatdir. Bu huquq va majburiyatlar tegishli qonun hujjatlari, korxona jamoa shartnomasi, ichki mehnat tartibi, qoidalari, xizmat yoki lavozim yoʻriqnomalari, xodim bilan tuzilgan mehnat shartnomasida batafsil aniqlashtirib qoʻyiladi.
Bajariladigan ishning tafsilotiga koʻra, bajarish uchun xodim olingan ishni maʼlum bir muddat oʻtgandan keyin obʼektiv sabablarga koʻra, davom ettirishning imkoni boʻlmasligi oldindan maʼlum boʻlganda, xodim bilan muddatli mehnat shartnomasi tuziladi. Mehnat Kodeksining 76-moddasida xodim bilan muddatli mehnat shartnomasini tuzish toʻgʻrisidagi roʻyxat qatʼiy chegaralangan.
Agar xodim bilan tuzilgan muddatli mehnat shartnomasi Mehnat Kodeksining 76-moddasi talablarini hisobga olmagan holda tuzilgan boʻlsa, bunday holda shartnomaning muddati haqidagi shartlari haqiqiy emas, deb topiladi, xodim esa ishga nomuayyan muddatga birinchi ish kunidan boshlab qabul qilingan hisoblanadi.
J.Avezov,
Sh.Vaisniyazov,
tuman Adliya boʻlimi Yuridik xizmat koʻrsatish
markazi bosh yuriskonsultlari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
