Oʻqituvchi mehnati samarasi oʻquvchilar yutuqlaridan aks etadi

Darhaqiqat shunday. Bizning 18-sonli maktabimiz oʻqituvchilar jamoasi shu boisdan ham oʻquvchilarimiz erishayotgan qtor yutuqlardan quvonib, taʼlim-tarbiya samaradorligini yana ham oshirishga erishishmoqda. Ular tumanimiz maktablari oʻqituvchilari orasida oʻtkazilgan “Zakovat” intellektual oʻyinida faxrli  3-oʻrinni egallashdi.
2020-2021 oʻquv yilida maktabimizning 48 nafar  bitiruvchilaridan 12 nafari mamlakatimizdagi nufuzli oliy taʼlim muassasalari talabalari boʻlishdi. Joriy yilda bu koʻrsatkichni yana ham oshirishga harakat qilayapmiz.
Makatabimizda yoshlar maʼnaviyatini yuksaltirish borasida muhtaram Prezidentimiz belgilab bergan besh tashabbus doirasida oʻquvchilarni kitobxonlikka jalb etishga, sport bilan shugʻullanishga axborot kommunikatsion texnologiyalarni chuqur egallashga va kasb-hunarlarga yoʻnaltirishga xizmat qiluvchi toʻgaraklar faoliyati  yoʻlga qoʻyilganligi ularning boʻsh vaqtlari mazmunli oʻtishiga muhim omil boʻlayotir. Bu boradagi  saʼy-harakatlar natijasida  maktabimizning  9-sinf oʻquvchisi  Jamshid Ollayozov, Muhiddin Qori Yoqubov nomidagi koʻrik-tanlovda respublikada 1-oʻrinni egallashga muvaffaq boʻldi. “Yoshlar ovozi” tanlovida 6-sinf oʻquvchimiz Bunyodbek Ismoilov tumanda birinchi oʻrinni egallab, keyingi bosqichga yoʻllanmani qoʻlga kiritdi. Shuningdek, sportning karate, boks, badiiy gimnastika turlari bilan muntazam qatnashib, nufuzli bellashuvlarda gʻolib, sovrindor boʻlayotgan oʻquvchilarimiz ham bor.
Ayni kunda mamlakatimizda 524 nafar oʻquvchilarga 55 nafar malakali va mahoratli pedagoglar taʼlim berishmoqda. Ular sohaga joriy etilayotgan yangiliklar, ilgʻor metodlarni oʻz faoliyatlaridan unumli qoʻllab, oʻquvchi-yoshlarning barkamol insonlar boʻlib voyaga yetishlariga oʻz hissalarini qoʻshishmoqda.

Maxsuda Yoʻldosheva, shu maktab
ijodiy-madaniy ishlar boʻyicha targʻibotchisi.