9-may – Xotira va qadrlaş kuni munosabati bilan Amudaryo tumani hokimi Sultonboy Yöldaşevning bayram tabrigi

Assalomu alaykum, qadrli yurtdoşlar!

Muhtaram faxriylar, aziz mehmonlar!

Avvalo, Siz azizlarni, sizning timsolingizda köpmillatli xalqimizni Ikkinçi jahon uruşida erişilgan Ğalabaning 77 yillik bayrami hamda Xotira va qadrlaş kuni bilan çin qalbimdan muborakbod etaman.

Bugun barçamiz, avvalo, faşizm ustidan  qozonilgan Ğalabaga beqiyos hissa qöşgan, mana şu yoruğ kunlarga yetib kelolmagan vatandoşlarimizning sönmas xotiralarini yod etmoqdamiz. Jang maydonlarida mardlik, jasorat körsatgan, front ortida fidokorona mehnat qilgan va bugun oramizda soğ-omon yurgan faxriylarimizga taʼzim qilamiz.

Uruş va uruşdan keyingi tiklaniş yillarida jonini fido qilib mehnat qilgan, kunni tunga ulab zahmatli xizmatlari evaziga xalq xöjaligining oyoqqa turişiga, jamiyatimizning farovon bölişiga hissa qöşgan uruş ortidagi mehnat fronti faxriylarining xizmatlarini doimo eʼtirof etamiz va ularni hamişa qadrlaymiz. Hozirgi tinç-osoyişta hayotimiz, musaffo osmonimiz uçun ularga çeksiz minnatdorçilik bildiramiz.

Heç şubhasiz, oradan qança yillar, zamonlar ötmasin, faşizm ustidan qozonilgan Ğalabaning qadr-qimmati va ahamiyati tobora ortib boraveradi.

Insoniyat tarixidagi eng daxşatli bu uruşda öşa paytdagi jami 6 million Özbekiston aholisining 1 yarim milliondan ortiq fuqarosi qatnaşgan. Ularning yarim milliondan ziyodi jang maydonlarida halok bölişgan. 133 ming nafarga yaqini bedarak yöqolgan. 60 mingdan ortiq vatandoşimiz esa uruşdan nogiron bölib qaytgan.

Tumanimizdan esa 4 ming 344 nafar yurtdoşimiz uruşga qatnaşib, ularning 897 nafari jang maydonlarida halok bölgan bölsa, 1 ming 927 nafari bedarak yöqolgan hamda 1 ming 500 nafarga yaqini öz uylariga nogiron bölib qaytganlar.

Özbekiston ahli uruş hududlaridan köçirib keltirilgan 1 millionga yaqin insonga boşpana berib, öz nonini ular bilan baham körişdi. Ota-onasi, oilasidan judo bölgan 200 ming nafar begunoh bolalarni “Sen yetim emassan!” deb bağriga bosib, mehr-muruvvat körsatdilar.

Aziz yurtdoşlar!

Bugungi tahlikali dunyoda yuz berayotgan voqealar barçamizni tinçlikning qadriga yetişga undaydi. Yaqin qöşnilarimiz bölgan davlatlarda sodir bölgan va davom etayotgan notinçliklar, dunyoning turli nuqtalarida bölayotgan uruşlar millionlab tinç aholini öz domiga tortib, şahar va qişloqlarning vayron bölişiga, yuz minglab aholi, ayniqsa begunoh gödaklarning hayotdan bevaqt köz yumişiga sabab bölmoqda. Bu uruşlar tinç aholi boşiga qanday oğir azob-uqubat va talofatlar, behisob qurbonlar olib kelganiga barçamiz guvoh bölmoqdamiz.

Albatta, uşbu mudhiş uruşlar oqibatlari bebaho neʼmat − tinçlikning qadriga yetişga, doimo huşyor va ogoh bölib yaşaşga, yoşlarimiz ongini buzğunçi ğoyalardan himoya qilib Vatanga sadoqat ruhida tarbiyalaşga çorlab turadi.

Aziz döstlar!

Mamlakatimizda keyingi yillarda barça sohalarda tub islohatlar amalga oşirilmoqda. Inson qadri va manfaati yölida amalga oşirilayotgan bu ulkan özgarişlar, boşqalarning havasini tortadigan yutuq hamda marralarga erişganimizning ortida uluğ neʼmat − tinçlik va osoyiştalik turibdi.

Tumanimizda amalga oşirilayotgan bunyodkorlik, obodonlaştiriş işlari ham şular jumlasidandir. Jumladan, keyingi yillarda birgina Amudaryo tumanida yuzlab oilalar uçun möljallangan namunaviy loyihalar asosidagi arzonlaştirilgan uy-joylar, taʼlim va tibbiyot muassasalari, mahalla fuqarolar yiğinlarining, yuzlab yangi tadbirkorlik subʼektlarining binolari qörilib, foydalanişga topşirildi.

Bugun Siz azizlar bilan uçraşib turganimiz − mana şu muhtaşam “Xotira maydoni” ham tumanimiz mahalliy byudjeti mablağlari hisobiga barpo qilindi. Bu maydondagi ramziy “Xotira kitobi” sahifalariga Ikkinçi jahon uruşida qatnaşgan va şahid ketgan, Vatanimizning tinçligi va ozodligi uçun kuraşgan yuzlab yurdoşlarimizning nomlari abadiy muhrlangan.

Faşizm ustidan qozonilgan ğalabaga munosib hissa qöşgan har bir yurtdoşimizning xotirasi nafaqat uşbu “Xotira kitobida”, balki kelgusi avlodlarimiz qalbida ham mangu yaşaydi. Oramizda bölgan uruş va mehnat fronti faxriylari davlatimiz va jamiyatimizning doimo eʼzozida bölib, ularning insoniyatni faşizm balosidan qutqariş yölida qilgan fidoiyliklari kelgusi avlodlarimizga ham ibrat bölib qoladi.

Aziz yurtdoşlar, muhtaram faxriylar!

Bugungi qutluğ ayyom − Xotira va qadrlaş kunida ota-bobolarimizning şonli anʼanalarini munosib davom ettirib, Vatan himoyasi yölida özini ayamasdan, fidokorona xizmat qilayotgan mard va jasur askarlarimizga, ofitser va posbonlarimizga tumanimiz ahli nomidan samimiy minnatdorçilik izhor etamiz. 

Fursatdan foydalanib, muhtaram faxriylarimizni, hamyurtlarimizni bugungi qutluğ bayram bilan yana bir bor muborakbod etaman.

Barçangizga tinçlik-omonlik, xonadonlaringizga qut-baraka tilayman. Yurtimiz tinç, osmonimiz musaffo bölsin!

Eʼtiboringiz uçun rahmat!