ShAXSNI TASDIQLOVChI HUJJATLARGA ENDILIKDA NIKOH QAYD ETILGANI TOʻGʻRISIDA BELGI QOʻYILMAYDI
Prezident tomonidan imzolangan “Ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonunga koʻra, biometrik pasport oʻrniga ID-kartalari joriy etilayotgani sababli ayrim kodekslar va qonunlarga ID-karta tushunchasi kiritildi. ID-kartalarni, xorijga chiqish biometrik pasportini yoʻqotganlik, ularni yaroqsiz holga keltirganlik uchun javobgarlik belgilandi.
Oila kodeksida koʻrsatilganidek, bolalar tugʻilishini qayd etish ota-onasining doimiy yashash yoki vaqtincha turgan joyidan qatʼiy nazar fuqarolik holati dalolatnomalarini yozish organlarida 1 oy ichida amalga oshiriladi. Shuningdek, shaxsni tasdiqlovchi hujjatlarga nikoh qayd etilganligi toʻgʻrisida belgi qoʻyilishiga oid norma chiqarib tashlandi.
Yer davlat yoki jamoat ehtiyojlari uchun olib qoʻyilganda fuqarolarga uning oʻrniga berilayotgan uy-joy avvalgi uy-joyidan qimmatroq boʻlsa, farq qilgan qiymat fuqarolar tomonidan qaytarib berilmaydi. Ilgari 5-yilda qaytarilishi lozim edi. Undan tashqari, ijtimoiy himoya yagona reyestriga kiritilgan shaxsga, shuningdek unga hamrohlik qiluvchi shaxsga xorijiy davlatda ixtisoslashgan tibbiy yordam koʻrsatilganda yoki jarrohlik amaliyoti oʻtkazilganda xorijga chiqish uchun biometrik pasportini berganlik uchun davlat boji undirilmaydi.
ID-karta berganlik uchun BHMning 89 foizi miqdorida boj undiriladi, xorijga chiqish uchun biometrik pasportni berganlik uchun esa ilgarigidek BHMning 1,2 baravari miqdorida emas, balki BHMning 1 baravari miqdorida boj undiriladi.
Rohatoy Polvonova, tuman FHDYo boʻlimi inspektori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
