Xalq deputatlari Amudaryo tuman Kengashining oʻttiz sakkizinchi sessiyasi toʻgʻrisida AXBOROT

2014-yil 26-sentyabr kuni Xalq deputatlari Amudaryo tuman Kengashining oʻttiz sakkizinchi sessiyasi boʻlib oʻtdi.

Sessiyani 24-Qangli saylov okrugidan deputat, tuman hokimi R.Yoʻldashev kirish soʻzi bilan ochdi va olib bordi.   

Sessiyada tuman Kengashi deputatlari, hokimlik masʼul xodimlari, hokimlik boʻlimlari va siyosiy partiyalarning tuman Kengashi rahbarlari hamda ommaviy axborot vositalari vakillari ishtirok etdilar.

Sessiya kotibligiga 13-Xorazm saylov okrugidan deputat Gulasal Matyakubova saylandi.

Sessiya kun tartibiga "Xalq deputatlari Amudaryo tuman Kengashiga saylov boʻyicha tuman saylov komissiyasini tuzish toʻgʻrisida”gi, "Xalq deputatlari Amudaryo tuman Kengashiga saylov boʻyicha saylov okruglarining sonini belgilash toʻgʻrisida”gi, "Amudaryo tumani hududidagi Qoraqalpogʻiston Respublikasi Joʻqorgʻi Kengesiga deputatlar saylovini oʻtkazuvchi okrug saylov komissiyalarining tarkibi boʻyicha tavsiyalar berish toʻgʻrisida”gi, "Oʻzbekiston Respublikasi Oliy Majlisi Senatining Mahalliy hokimiyat vakillik organlari faoliyatini kuchaytirishga koʻmaklashuvchi komissiyasining  2014-yil 5-sentyabrdagi "Toshkent viloyati hokimligida 2014-yilning 5-sentyabrida oʻtkazilgan "Deputatlik nazorati – mintaqaviy muammolarni hal qilish yoʻllari: "Sogʻlom bola yili” Davlat dasturini amalga oshirish misolida” mavzuidagi davra suhbatida qabul qilingan tavsiyalarni tasdiqlash va ijrosini taʼminlash toʻgʻrisida”gi SKQ-38-II-sonli Qarori haqida”gi hamda "Tuman hokimining ayrim qarorini tasdiqlash toʻgʻrisida”gi masalalar kiritildi. Maʼlumki, 2014-yil 11-sentyabr kuni Oʻzbekiston Respublikasi Markaziy saylov komissiyasining yigʻilishi boʻlib oʻtib, unda Oʻzbekiston Respublikasi Oliy Majlisi Qonunchilik palatasiga, viloyat, tuman va shahar Kengashlariga saylov boʻyicha saylov kampaniyasi shu yil 15-sentyabrdan boshlanishini eʼlon qilish haqida qarori qabul qilingan edi. Oʻzbekiston Respublikasi Konstitutsiyasining 117-moddasi ikkinchi qismi va "Davlat hokimiyati vakillik organlariga va Oʻzbekiston Respublikasi Prezidentining navbatdagi saylovi toʻgʻrisida”gi Oʻzbekiston Respublikasi Konstitutsiyaviy qonunining 1-moddasiga muvofiq Oʻzbekiston Respublikasi Oliy Majlisi Qonunchilik palatasiga, viloyat, tuman va shahar davlat hokimiyati vakillik organlariga saylov 2014-yilning dekabr oyi uchinchi oʻn kunligining birinchi yakshanbasida – 21-dekabrda oʻtkaziladi. Shuningdek, Qoraqalpogʻiston Respublikasi Markaziy saylov komissiyasining ham 2014-yil 12-sentyabrda saylov kampaniyasining boshlanishini eʼlon qilish haqidagi qarori qabul qilindi. Kun tartibidagi birinchi masala boʻyicha tuman saylov komissiyasi tarkibini rais va 8 nafar aʼzodan iborat tarkibda tuzish taklif qilindi va taklif deputatlar tomonidan bir ovozdan maʼqullanib, tuman saylov komissiyasi tuzildi. Sessiya kun tartibidagi ikkinchi masala muhokama qilinib, saylovchilar sonini, hududni va mahalliy sharoitlarni inobatga olgan holda, Amudaryo tuman Kengashiga saylov boʻyicha 30 ta saylov okrugini tuzish taklif qilindi. Mazkur taklif ham deputatlar tomonidan bir ovozdan maʼqullandi.

Deputatlar tomonidan Qoraqalpogʻiston Respublikasi Joʻqorgʻi Kengesiga saylov oʻtkazuvchi 6 ta saylov okruglari boʻyicha okrug saylov komissiyalari tarkibi yuzasidan tavsiyalar berish masalasi muhokama qilinib, tegishli qaror qabul qilindi.

Kun tartibidagi "Oʻzbekiston Respublikasi Oliy Majlisi Senatining Mahalliy hokimiyat vakillik organlari faoliyatini kuchaytirishga koʻmaklashuvchi komissiyasining 2014-yil 5-sentyabrdagi "Toshkent viloyati hokimligida 2014-yilning 5 sentyabrida oʻtkazilgan "Deputatlik nazorati – mintaqaviy muammolarni hal qilish yoʻllari: "Sogʻlom bola yili” Davlat dasturini amalga oshirish misolida” mavzuidagi davra suhbatida qabul qilingan tavsiyalarni tasdiqlash va ijrosini taʼminlash toʻgʻrisida”gi SKQ-38-II-sonli Qarori haqida”gi va "Tuman hokimining ayrim qarorini tasdiqlash toʻgʻrisida”gi masalalar ham muhokama qilinib, tegishli qarorlar qabul qilindi.

Shuning bilan sessiya oʻz ishini yakunladi.

Oʻz muxbirimizdan.