FAN OYLIGI DOIRASIDA OChIQ OʻQUV MAShGʻULOTI OʻTKAZILDI
Aprel oyi davomida umumtaʼlim maktablarida amaliy fanlar oyligi doirasidagi tadbirlar oʻtkazilmoqda.
Shu yil 13-aprel kuni tumandagi 55-sonli maktabda ham oylik munosabati bilan texnologiya fani oʻqituvchisi Shahnoza Qurbonboyeva 8-“V” sinfda "Kasblar tasnifi, kasblarda mehnat turlari" mavzusidagi ochiq oʻquv mashgʻulotini tashkil etdi. Mashgʻulotni kuzatish uchun maktab maʼmuriyati, fan oʻqituvchilari tashrif buyurishdi.
Darsda oʻquvchi qizlar "Yosh oʻqituvchilar" va "Shifokorlar" deb nomlangan guruhlarga boʻlinib, kasblar haqida sheʼrlar aytishdi. Shundan soʻng, oʻquvchilarga "Kasbni toʻgʻri top", "Pantomima" oʻyinlari hamda oʻquvchilarning liderlik qobiliyatini oshirish uchun "Kemada kasblar oʻyini" kabi didaktik oʻyinlar tashkil etildi. Mavzuga koʻra oʻquvchi qizlar bilan kelajakda qanday kasb tanlashlari haqida qiziqarli suhbat, savol-javoblar oʻtkazildi. Suhbat davomida yoshlarga kelajakda kasb egasi boʻlishi, nafaqat oʻziga balki jamiyat uchun juda ham ahamiyatli ekanligi, yoshlar kasb-hunar egalari boʻlishlari kerakligi, shu yurtdan, shu eldan buyuk va yetuk insonlar yetishib chiqmogʻi lozimligi tushuntirildi. Buning uchun yaxshi tarbiya va chuqur bilimga ega boʻlish juda muhimligi alohida taʼkidlab oʻtildi.
Zamonaviy pedagogik texnologiyalardan, videomateriallardan, slaydlardan foydalanilib, qiziqarli qilib oʻtilgan dars mashgʻulotlari barchaga manzur boʻldi.
Uslub birlashma aʼzolari tomonidan texnologiya fani oʻqituvchisi Sh.Qurbonboyeva tashkil etgan dars tahlil qilindi va shu kabi mashgʻulotlarni maktab miqyosida ommalashtirilishga tavsiya berildi.
A.Saparboyev, 55-sonli maktabning amaliy fanlar uslub birlashmasi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
