OʻZBEK JANG SANʼATI TOBORA RIVOJLANMOQDA
Tuman Bolalar-oʻsmirlar sport maktabidagi oʻzbek jang sanʼati guruhida 90 nafardan ziyod kattalar va oʻsmirlar margan-chavandozlik, qilichbozlik, nayza uloqtirish, kamondan oʻq otish, oʻzaro jang, 18 yoshdan kattalar otda yurib kamondan otish kabi yoʻnalishlarda shugʻullanib, oʻzlarining sport iqtidorini rivojlantirmoqdalar.
Sportning ushbu turi boʻyicha uch nafar malakali mutaxassislar ular bilan muntazam shugʻullanishmoqda.
Yaqinda murabbiylar Qutlimurod Primmatov, Mahmudjon Safarboyevlarning bir guruh shogirdlari Toshkent shahrida boʻlib oʻtgan oʻzbek jang sanʼatining koʻrgazmali chiqish yoʻnalishida oʻsmirlar va kattalar oʻrtasidagi Oʻzbekiston chempionatida ishtirok etishib, quvonarli yutuqlarni qoʻlga kiritishdi. 9 nafar tarbiyalanuvchilar jamoaviy chiqishda faxrli ikkinchi, yakkalik bahslarida esa Otabek Yoʻldoshev, Bunyod Jumaboyevlar uchinchi oʻrinni yengib oldilar.
Tuman Bolalar-oʻsmirlar sport maktabining tarbiyalanuvchilari bundan oldin margan–chavandozlik boʻyicha oʻtkazilgan Oʻzbekiston birinchiligida ham muvaffaqiyatli ishtirok etishgan, xususan, Laylo Xudoyberganova oʻz vazn toifasida birinchi, Sevinchoy Rajabboyeva, Lolagul Tozaboyevalar ikkinchi, Dilshod Qurbonboyev, Fazilat Ibragimovalar esa uchinchi oʻrinlarni egallab qaytishgan edi.
Gulnoza NORIMMATOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
