OILAGA KIRIŞ SEKTORI: hamjihatlikda hikmat köp
Oqsoqol bilan maslahatçi xonadondan çiqişar ekan, yengil nafas olişdi: xayriyat, bu nizo ham yaxşilik bilan tugadi!
Turmuş örtoği vafotidan söng oilali, bolali bölgan uç öğilning boşini bir hovlida biriktirib ötirişga qiynalib ketgan qaynona ayniqsa, "sen uni qilmading, men buni qildim”, deb özaro gap talaşib, kiçkina kelini onasinikiga ketib qolganidan beri nima qilarini bilmay boşi qotib, mahallaga çiqqanida oqsoqol keliningizni olib kelib beramiz, xavotir olmang, deb uyiga qaytargandi. Yaxşi niyatni Yaratganning özi qöllar ekan-da, mana ikkala ovsin "endi opa-singilday bölamiz”, deb ular oldida söz berdilar. Qudalar ham tuşungan odamlar ekan, qizlariga pand-nasihat qilib, oqsoqol bilan maslahatçining oldiga solib yuborişdi.
Qarang-a! Oddiygina bir-birovni tuşunmaslik orqasida, ikki ovsin birovining köngliga birovi qaramagani tufayli bir oila buzilib ketişiga sal qoldi-ya. Ayniqsa, ularga qizning otasining "bolam, enang qaçon imkoni bölib hovli solib bölak çiqarguniça uruş-janjalsiz qaynonang bilan ham, ovsinlaring bilan ham siylaşib yaşa”, degani taʼsir qildi. Ha, yoşlardan xato ötganida (endi yoşlik-da) ota-ona töğri yölni körsatib, pand-nasihat qilib tursa, yölini topib ketişadi.
Ular öz xayollari bilan mahalla fuqarolar yiğini idorasiga yetib kelganlarida örta yaşar, yuzlari taşvişli köringan ayol kutib turgan edi.
– Ikkovingizdan ham maslahat sörab çiqqan edim, - dedi ayol ular bilan hol-ahvol söraşib bölib. U şu mahallaning faoli, ijaraga paxta yer olib, har yili yaxşi hosil yetiştiradigan, tomorqasidagi boğ-poliziga hamma havas qiladigan mehnatkaş ayol edi. Qança taşviş-u mehnatni kördim, demaydigan, öğil-qizi-yu turmuş örtoğini ham işdan böş vaqtida uy, tomorqa yumuşlariga andarmon qilib qöyadigan, işga ham, gapga ham çeçan ayolning bugungi taşvişli körinişi ajablanarli edi.
- Bilasizlar, kiçik qizim kollejning ikkinçi kursida öqiydi. Kollejni bitirib ham öqişni davom ettiraman, deb yurgandi. Ikki haftadan beri devor-darmiyon qöşnim deyarli har kuni şu qizimni sörab çiqayapti. Öqişni biznikida davom ettiraveradi, deydi. Axir qizim hali yoş-da, ularning oliygohda ham öqitamiz, degan vaʼdalariga sal berilib turibdi. Oila bilan öqiş böladimi? Hali bola-ku, bola. Kelinlikning öziga yaraşa masʼuliyatlari borligini anglamayapti. Qolaversa, bungaqonunçiligimiz ham yöl qöymaydi. Biroq buni qöşnimga tuşuntira olmayapman. Bir gapimga ön javob qaytaradi.
Maslahatga köra ayol uyiga ketdi. Oqsoqol idoraga keluvçilar bilan gaplaşib, işlarini bitirib bölgunça maslahatçi mahalla fuqarolar yiğinida faoliyat körsatayotgan "Salomatlik”, "Taʼlim va tarbiya”, "Jinoyatçilik profilaktikasi” sektorlarirahbarlarini çaqirib, murojaat qiluvçi ayolning taşvişlanib aytgan sözlarini yetkazdi, zudlik bilan töyni vaqtinça töxtatiş lozimligini aytdi. Buni bölğusi kuyovga, ota-onasiga qanday tuşuntirişni maslahatlaşib oldilar.
Köpdan quyon qoçib qutulmas, deydilar. Töy orzusida yurgan er-xotin avval ularni xuşlamaygina qarşi olişgan bölsa-da, voyaga yetmagan, hali kollej öquvçisi bölgan qizni kelin qilişning huquqiy oqibatlari, soğliğiga zarari xususidagi gaplarni tinglab, biroz öyga tolişdi. Fursatdan foydalanib oqsoqol:
- Bilaman, ilk farzandingiz bölgani uçun uylantirib kelin körişga, elga dasturxon yozib töy qilişga oşiqayapsizlar. Bu tabiiy. Biroq sizlarning orzu-havasingiz uçun bolalar erta oila qurib, turmuş taşvişlariga çidolmay notinçliklar bölsa, jabrini yana özlaringiz tortasizlar-da, - dedi.
- Haliyamkeç emas, yiqqaningiz sandiğingizdaturaversin. Yigit-qiz voyaga yetsin, oq-qorani tanisin, biror işning boşini tutganidan söng boşlang töyni. Özimiz qamişdan bel boğlab xizmatda turamiz, - davom etdi maslahatçi hazil aralaş.
Xullas, töy qoldiriladigan böldi. Hikoya qilayotganim "Xolimbeg” ovuli tarkibidagi "Ayoqçi” mahallasi raisi Olloyor Qalandarov, maslahatçi Muborak Jumaniyozovalarning oddiy iş kunlaridan lavhalar xolos.
Ha, mahallalarda xonadonlarning tinç-totuv, osoyişta turmuşini taʼminlaşda, aholining bir-biriga mehr-oqibatli bölişi, hamjihatlikda yaşaşiga erişişda, turmuş farovonligini taʼminlaşda aholiga eng yaqin taşkilot – mahallalarning nufuzi tobora ortib bormoqda.
Öz vakolatlari doirasidagi vazifalarni sidqidildan ado etişga harakat qilayotgan Olloyor Qalandarov va Muborak Jumaniyozovalarning saʼy-harakatlari bois, "Ayoqçi” mahallasi tumanimizdagi eng namunali mahallalardan sanaladi.
Yaqinda mahalla fuqarolar yiğinida faoliyat körsatayotgan "Ota-onalar universiteti” fuqarolar yiğinida oilalarni mustahkamlaş va barqarorligini taʼminlaş, farzand tarbiyasi ilmini egallaşda ota-onalarga yordam körsatiş, farzand tarbiyasi borasida huquqiy, maʼnaviy-axloqiy bilimlarini yuksaltiriş borasida amalga oşirayotgan işlari tuman miqyosida ötkazilgan "Fuqarolar yiğinlari huzuridagi "Eng namunali ota-onalar universiteti” körik-tanlovida birinçi öringa loyiq, deb topildi.
Öz hududidagi aholining yoşu qarisini öz yaqiniday yaxşi taniydigan, oilaviy şaroiti, yaşaş tarzidan xabardor yiğin masʼul xodimlari odamlarning eng yaqin maslahatçisiga, kömakçisiga va suyançiğiga aylanişgan. Şu boisdan-da ularning sözlarini heç kim yerda qoldirmaydi, yöl-yöriğidan çiqmaydi.
Yiğin huzurida faoliyat yurituvçi doimiy komissiyalar, jamoatçilik asosida taşkil etilgan sektorlar faoliyati yaxşi yölga qöyilganligi tufayli mahalla köçalari ozoda, obod, oilalarda tinçlik, oğzibirçilik. Kelinlar, qizlar hovli-joylarini biri-biridan toza, orasta tutişadi. Şunday bölsa-da eng yaxşisinitanlab, rağbatlantirib boriş boşqalarda ham intiliş uyğotişini hisobga olib, "Eng orasta xonadon”, "Eng namunali xonadon”, "Eng namunali köça” tanlovlari ötkazib borilmoqda. "Eng namunali köça” tanlovi ğoliblari bu yil "Nilufar”, "Tinçlik” köçalari böldi.
Oqsoqol raislik qiladigan "Oilaga kiriş” sektori aʼzolarining aholi bilan doimiy işlaşayotganligi sababli çetga işga ketişlarning, erta nikohlarning, oilaviy ajrimlarning oldi olinayapti, oilaviy nizolar bartaraf etilayapti.
- Odam baxtini öz oilasida topadi. Oila – farzandlarimiz kamol topadigan, barça insoniy munosabatlar şakllanadigan qutluğ, muqaddas maskan. Buni har kuni, har qança takrorlasak ham kamlik qiladi. Çunki öz oilasini sevgan, qadrlagan odamdan yomonlik çiqmaydi. Niyatimiz - oilalar tinç va baxtiyor bölsin, - deydi maslahatçi, mahalla huzuridagi "Oilaga kiriş” sektori aʼzosi Muborak Jumaniyozova.
Buningdek ezgu maqsadlarga erişişda ovul va mahallalarda jamoatçilik asosida işlaydigan sektorlarning roli ulkan. Ha, hamjihatlikda hikmat köp.
Oygul RAJABOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶