DAVLAT XIZMATLARI MARKAZIDA AVTOMOBIL TARIXINI BILISh MUMKIN!
Endilikda Davlat xizmatlari markazi orqali Avtomobil tarixi xaqida bilish imkoni paydo paydo boʻldi.
2022-yil 1-maydan “Avtomobil tarixi” maʼlumotlarini shartnomaviy asosda Davlat xizmatlari markazlari yoki Yagona interaktiv davlat xizmatlari portali orqali aniqlash boʻyicha davlat xizmati yoʻlga qoʻyilmoqda.
Oʻzbekiston Respublikasi Prezidentining “Davlat xizmatlari koʻrsatish infratuzilmasini takomillashtirish va aholining davlat xizmatlaridan foydalanish imkoniyatlarini kengaytirish chora-tadbirlari toʻgʻrisida” 2021-yil 24-iyuldagi PF-6269-sonli Farmoniga muvofiq “Avtomobil tarixi” maʼlumotlarini avtomototransport vositalariga berilgan roʻyxatdan oʻtkazish davlat raqami belgisi orqali shartnomaviy asosda Davlat xizmatlari markazi va Yagona interaktiv davlat xizmatlari portali orqali aniqlash davlat xizmatini koʻrsatish yoʻlga qoʻyilishi belgilangan.
“Avtomobil tarixi” maʼlumotlari avtotransport vositasiga doir quyidagi axborotlarni oʻz ichiga oladi:
avtotransport vositasining agregat maʼlumotlari (davlat raqami belgisi, davlat roʻyxatidan oʻtkazilgan sana, rusumi (modeli), ishlab chiqarilgan yili, turi, kuzov (shassi) raqami, toʻla (yuksiz) vazni, dvigatel raqami va quvvati, yonilgʻi turi, rangi, oʻrindiqlar soni, alohida belgilari yoki oʻzgargan agregat maʼlumotlari (mavjud boʻlsa);
bosib oʻtgan masofasi (mavjud boʻlsa);
fuqarolik-huquqiy shartnoma (bitim)lar tuzilganligi toʻgʻrisidagi maʼlumotlar (ishonchnoma, ijara, hadya, meros, oldi-sotdi shartnomasi va boshqalar);
yoʻl-transport hodisasi sodir etilganligi (mavjud boʻlsa);
avtotransport vositasi ishtirokida sodir etilgan qoidabuzarliklar (mavjud boʻlsa);
avtotransport vositasining garovda ekanligi haqidagi (mavjud boʻlsa);
avtotransport vositasiga nisbatan taqiq mavjud yoki mavjud emasligi toʻgʻrisidagi;
bojxona rasmiylashtiruvidan oʻtgan sana toʻgʻrisidagi maʼlumot (agar bojxona rasmiylashtiruvidan oʻtgan boʻlsa);
avtotransport vositasiga yoʻlovchi tashish boʻyicha litsenziya varaqasi olinganligi (olinmaganligi) haqidagi maʼlumotlar
bundan tashqari vakolatli organ manfaatdor vazirliklar va idoralar bilan kelishgan holda “Avtomobil tarixi” maʼlumotlariga qoʻshimcha maʼlumotlar kiritishi mumkin.
Husniddin Ibodullayev, tuman Davlat xizmatlari markazi katta mutaxassisi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
