Askar ulğaygan xonadonda
Oilada öğil farzand dunyoga kelsa, eng avvalo ota-onasining köngli toğday yuksaladi. Ayniqsa, ota Vatan oldida yuzi yoruğ bölganidan, oilasida bölğusi ona Yurt himoyaçisi dunyoga kelganidan, şajarasining davomiyligidan şodlanadi. Bolajon xalqimizda önta bölsa, örni, qirqta bölsa, qiliği boşqa, degan ibratli hikmat esa farzandi öğil yoki qiz bölişidan qatʼiy nazar, oilaga, el-yurtga suyanç, ota-onaga mehr-oqibat keltirguvçi har bir farzand azizligiga işora.
Manğit şahrining Döstlik mahallasida yaşovçi Manzura Qöçqorova bilan Rajabboy Ortiqovlarning baxtiyor oilasida ketma-ket uç nafar qizlari tuğilganida bu şirin-şakar qizaloqlarni oila ziynati, ota-ona davlati, deb qabul qilişdi, Allohga şukronalar aytişdi. Törtinçi farzandlari öğil bölganida qizlariga mehri yanada ortgan Rajabboy bilan Manzuraxon: “öğlimiz oilamiz va elimiz körki, könglimiz dostoni bölsin”, degan niyatda Dostonbek deb ism qöyişdi.
Dostonbek 40-sonli umumtaʼlim maktabida özining intiluvçanligi, epçilligi, rostgöyligi hamda atrofidagilarga mehribonligi bilan ustozlarining mehrini qozondi. Kundalik hayotida qatʼiy intizomga rioya qiladigan Dostonbek doimo qalbida özi tengi yigitlar kabi askar böliş istagi bilan yaşadi. 2020-yilning kuzida Amudaryo tumani mudofaa işlari bölimida muddatli harbiy xizmatga çaqiriluvçilar qatorida barça sinovlardan muvaffaqiyatli ötib, 2021-yilning mart oyida muddatli harbiy xizmat burçini ötaş uçun jönab ketdi. Bir yildirki, Dostonbek Madrahimov Buxoro viloyatidagi harbiy qismlardan birida, tankçilar brigadasida, ona Vatan oldidagi yigitlik burçini ado etmoqda.
Ota-ona uçun farzandining kamolini körişdan ham uluğroq baxt yöq. Dostonbekning özi xizmat qilayotgan harbiy qismda intizomliligi, harbiy maşğulotlarni puxta özlaştirişi, zamonaviy harbiy texnikalarga bölgan qiziqişi yuzasidan erişayotgan yutuqlari xususida harbiy qism qömondonligi tomonidan ota-onasi Manzuraxon va Rajabboy Ortiqovlarga bildirilgan taşakkurnomalardan nafaqat Dostonbekning ota-onasi, balki butun oila aʼzolari mamnun bölişdi.
Uzoği bilan yana bir yarim, ikki oydan söng, öz xizmat burçini ado etib, jonajon Manğit şahriga qaytadigan Dostonbekning rejalari katta, u albatta, kelajakda OTMga kirib öqib, yaxşi mutaxassis böliş va xalqimizga, ona Vatanga munosib farzand böliş orzusida.
Manzuraxon va Rajabboy Ortiqovlarning ham biri-biridan aqlli, mehnatsevar farzandlaridan köngillari töq. Öğli Dostonbekning tinçlik zamonida, bundan ham muhimi, barça şart-şaroitlari rivojlangan davlatlar darajasidagi Milliy Armiya saflarida öz yigitlik burçini şaraf bilan ado etayotganidan mamnun. Qolaversa, Dostonbek, garçi oilada yolğiz öğil bölsa-da, qalbida katta ixlos bilan harbiy xizmatga otlangani, xizmat burçini ado etiş jarayonida ham jismonan, ham aqlan şakllangani, dunyoqaraşi kengayganidan minnatdor.
Biz ijodiy guruhimiz bilan 14-yanvar – Vatan himoyaçilari kuni – milliy Armiya taşkil topganligining 30 yilligi arafasida Rajabboy aka Ortiqov xonadonida bölib, namunali va intizomli askar Dostonbek Madrahimovning onasi Manzura opani, Rajabboy oğa va Dostonbekning yaqinlarini qutluğ sana bilan muborakbod etdik. Askarning ota-onasiga, yaqinlariga ezgu tilaklarimizni izhor qilib, ularning bayramona quvonçlariga şerik böldik. Zero, ona Yurt himoyaçilarining ota-onalari ham, Vatan posbonlari ham hamişa aziz va ardoqlidir.
Risolat IBRAGIMOVA, “Taraqqiyot közgusi” gazetasi jamoatçi muxbiri.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶