“OMAD ŞOU”DA OMADI KELGAN OTAXONGA “DAMAS” AVTOMAŞINASI TOPŞIRILDI
Özbekiston deya atalmiş uşbu tabarruk zaminda ajdodlarimiz bir-biriga mehr-oqibatli, ğamxör bölib umrguzaronlik qilib kelişgan. Hozirgi kunda ham yaqin qöşniçilik, bir-birovni yöqlab turiş, quvonçlarini birga baham körişdek boqiy qadriyatlar hayotimizga fayz, maʼno-mazmun baxş etmoqda.
Yurtdoşlarimiz Yangi 2022-yilni kutişga ulkan tadoriklar körayotgan bayram arafasi kunlarining biri Manğit şahrining Yangiobod mahallasida istiqomat qiluvçi Soatboy Otajonov xonadoni quvonçli voqea sabab döst-birodarlar yaqinlar bilan gavjum böldi. Boisi, xonadon sohibi Soatboy aka Özbekiston milliy teleradiokompaniyasining “Mening yurtim” telekanali efirga uzatilayotgan “Omad şou” öyinida iştirok etib, “Damas” avtomaşinasini yutib oldi.
Öyinni tomoşa qilgan yaqinlar Soatboy Otajonovni uyiga qaytganida quvonib qarşi olişdi va yutuq bilan qutlaşdi.
Soatboy Otajonov ham, ayoli Töxtajon opa ham öğil-qizlarini uyli-joyli qilib, nevaralar qiziqlarini körib ötirgan elda aziz insonlar. Soatboy ota Yangiobod köçasi köçaboşçisi. Otaxon özi masʼul bölgan hudud xonadonlar tinç-osoyiştaligi, oilalar mustahkamligi, şu oilalarda voyaga yetayotgan yoş avlod kamolining çinakam fidoyisi. Töy-maʼrakalarni ortiqça çiqimlarsiz, isrofgarçiliklarsiz ötkaziş uçun jon kuydiradi, meʼyorda ötkazişga boş-qoş böladi. Şundanmi, mahallada obrö-eʼtibori baland. Farzandi, kelini ham kasbli, odobli.
Şu boisdan xuşxabardan quvonganlar ham, qutlaganlar ham köp böldi. Şu yil 6-yanvar kuni otaxonning uyida haqiqiy bayram böldi: “Damas” avtomaşinasi teleöyin qoidasiga köra, tantanali ravişda ğolibning uyiga kelgan holda topşirildi.
Yutuq-maşinani “Omad şou” teleöyini ijodkorlarining hovlisi oldiga haydab kelişini qöni-qöşnilar, qarindoşlar, döst-birodarlar quvonç bilan qarşi oldilar. Maşina kalitining yutuq egasiga topşirilişi qarsaklar bilan olqişlandi.
Bayram şukuhi sönmagan kunlarning birida oilasini şodliklarga belagan yutuq maşina kalitini qöliga olgan Soatboy Otajonov teleöyin taşkilotçilariga, quvonçiga şerik böliş uçun xonadoniga taşrif buyurgan qarindoşlari, mahalladoşlari va döst-birodarlariga çuqur minnatdorçilik bildirdi, barçaga ham şunday yutuqlar nasib etişini tiladi.
U ançadan beri uşbu teleöyinda iştirok etiş huquqini beruvçi mahsulotlarni avvalo sifatliligi uçun nevaralariga xarid qilar, stekerini teleöyinga ham SMS tarzida jönatib turar edi.
Otaxonning nevaralariga atab olgan şirinliklari evaziga ana şunday yutuqqa sazovor bölgani havas qilsa, arziydi.
Oygul RAJABOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶