Jayxun ilhomlari
YaNGI YIL OʻYLARI
Yana yangi yil kelur,
Bepoyon oʻlkamizga.
Tashvish-u vazifalar,
Yuklaydi yelkamizga.
Har yilgidan ham juda,
Quvonch bilan kutamiz.
Bir yil boʻyi toʻplagan,
Tuhfamizni tutamiz.
Negaki yangi yildan,
Umidimiz xoʻp katta.
Qancha-qancha ishlarni,
Bitiramiz, albatta.
Porloq kelajak sari,
Tashlanur ulkan qadam.
Nelarga qodirligin,
Namoyish etar odam.
Gʻaroyib tadqiqotlar,
Kashfiyotlar yaralar.
Yangi Oʻzbekistonning,
Shuhrati keng taralar.
Yangi maqsad, marralar,
Koʻzlab quloch yozamiz.
Yutuqlar quchib moʻldan,
Shaxdam qadam bosamiz.
Kel, marhabo yangi yil,
Koʻksimizda qoʻlimiz.
Sen kelgach boʻlar yaqin,
Mashʼallikka yoʻlimiz.
Yozamiz taʼrifingga,
Qanchalab qoʻshiq, doston.
Tantanalar qilamiz.
Jam boʻlib doʻst-u yoron.
Qalbimizda urar joʻsh,
Ajoyib orzu-oʻylar.
Kelganingdan jaranglar,
Qoʻshiqlar, yalla, kuylar.
* * *
ARChA QURAMIZ
Kelingiz uyimizga,
Archa quramiz.
Qoʻl ushlashib hammamiz,
Qator turamiz.
Atrofida aylanib,
Qah-qah uramiz.
Doʻstlik, birodarlik,
Zavqin suramiz.
Barcha millat bolasi,
Doʻst-u joʻramiz.
Jaranglaydi davrada,
“Yasha”, “Ura”miz.
Qorbobo, Qorqiz bilan,
Birga yuramiz.
Bergan sovgʻalarini,
Baham koʻramiz.
Kelingiz uyimizga,
Archa quramiz...
* * *
Yangi yil qoʻshigʻi
Maktabimda archa bordir,
Yon-verida barcha bordir.
Archamizni koʻrib qoʻying,
Bayram zavqin surib qoʻying.
Yangi yilni boshlab keldi,
Qutlugʻ qadam tashlab keldi.
Quvonchimiz oshib ketdi,
Daryo misol toshib ketdi.
Oʻyin-kulgu avjda bugun,
Dillarimiz mavjda bugun.
Yoshimizga minar bir yosh,
Qoʻshiq kuylar keksa-yu yosh.
Oʻzbekiston suyuk davlat,
Kelajagi buyuk davlat.
Tinch, farovon yashaymiz biz,
Beminnat non oshaymiz biz.
Farzandimiz obod elning,
Mustaqil-u ozod elning.
Yangi yilni kutib shunday,
Charaqlaydi koʻngil kunday.
Maktabimda archa bordir,
Yon-verida barcha bordir.
Saʼdulla XOʻJANIYoZOV, faxriy jurnalist.
YaNGI YILIM YaXShI KELGAY
Xirmonimiz moʻldan boʻlib,
Daryo loyqa suvga toʻlib.
Humo qushi boshga qoʻnib,
Yangi yilim yaxshi kelgay.
Ketsin ofat bizdan qochib,
Quyosh issiq nurin sochib.
Mehmonimdek quchoq ochib,
Yangi yilim yaxshi kelgay.
Zamona tinch, yur erkalab,
Bir-birovning boshin silab.
Insonlarga sogʻliq tilab,
Yangi yilim yaxshi kelgay.
Qutlugʻ aylab yoshlar yoʻlin,
Barcha qalam qoshlar yilin.
Ogʻritmasdan bagʻri - dilin,
Yangi yilim yaxshi kelgay.
Baxt keltirib barchamizga,
Nur taratib darchamizga.
Mehmon boʻlib archamizga,
Yangi yilim yaxshi kelgay.
Savob ishni kaftga ilib,
Gʻanimlarning bagʻrin tilib.
Salomatlik sovgʻa qilib,
Yangi yilim yaxshi kelgay.
Koʻz tegdirmay koʻz-qoshimga,
Alloh bergan tuz-oshimga.
Sogʻliq tilab yurtdoshimga,
Yangi yilim yaxshi kelgay.
T.DOSChANOV,
21-maktab direktori.
ARAFADA
Goho shod, goh mahzun oʻtmoqda kunlar,
Barmoq orasidan sizgan qum kabi.
Kimgadir armonlar keltirdi bu yil,
Kimningdir ushaldi ezgu matlabi.
Mana,bugun yana arafadamiz,
Yana qutlovlarga shaylanar tillar.
Yangi yilning oppoq sahifasiga,
Orzularin yozmoq istar koʻngillar.
Hozircha yangi yil dovon ortida,
Xayolda borligʻi oʻxshar ertakka.
Istagim, tilaklar yurakdan chiqsin,
Aylanib qolmasin ular ermakka.
Yaxshilikni ravo koʻrsang birovga,
Hayotsan – yashagin oʻzing shu koʻyi,
Sogʻligʻin tilasang agar oʻzganing,
Oʻzing ham yurarsan bardam yil boʻyi.
Sogʻ boʻlsak bayram koʻp, biroq tilaklar,
Qolmasin mashmasha bilan oʻralib.
Ilohga bandamiz – ogʻa-iniday,
Yashaylik doimo yelkadosh boʻlib!
A.Nafasov.
Konstitutsiya
Qonunlarni oʻrgandik,
Eng ulugʻ saboq oldik.
Konstitutsiya bilan
Yurtimizda tinchlik.
Konstitutsiya bilan
Vatanimiz farovon.
Unga amal qilamiz,
Qonunni qadrlaymiz.
Jasmina Bekimbetova,
55-maktab oʻquvchisi.
Qish
Bezatadi oppoq qor,
Dala, adir, qirlarni.
Ayozdan berib darak,
Muzlatadi koʻllarni.
Diyorbek NURJONOV, 84-maktab oʻquvchisi.
YaNGI YILIM YaXShI KELGAY
Xirmonimiz moʻldan boʻlib,
Daryo loyqa suvga toʻlib.
Humo qushi boshga qoʻnib,
Yangi yilim yaxshi kelgay.
Ketsin ofat bizdan qochib,
Quyosh issiq nurin sochib.
Mehmonimdek quchoq ochib,
Yangi yilim yaxshi kelgay.
Zamona tinch, yur erkalab,
Bir-birovning boshin silab.
Insonlarga sogʻliq tilab,
Yangi yilim yaxshi kelgay.
Qutlugʻ aylab yoshlar yoʻlin,
Barcha qalam qoshlar yilin.
Ogʻritmasdan bagʻri - dilin,
Yangi yilim yaxshi kelgay.
Baxt keltirib barchamizga,
Nur taratib darchamizga.
Mehmon boʻlib archamizga,
Yangi yilim yaxshi kelgay.
Savob ishni kaftga ilib,
Gʻanimlarning bagʻrin tilib.
Salomatlik sovgʻa qilib,
Yangi yilim yaxshi kelgay.
Koʻz tegdirmay koʻz-qoshimga,
Alloh bergan tuz-oshimga.
Sogʻliq tilab yurtdoshimga,
Yangi yilim yaxshi kelgay.
T.DOSChANOV,
21-maktab direktori.
Yangi yil
Tilaklar toʻlib-toshgan,
Orzularning ayyomi.
Ezgulikka yoʻl ochgan,
Yangilanish bayrami.
Sen-la dilni xushlaymiz,
Kuy-qoʻshiqni boshlaymiz.
Yangi niyatlar bilan
Har doim nishonlaymiz.
Yangi yil zoʻr shodiyona,
Quvnab raqsga tushamiz.
El-yurt bitta oila,
Bayramni nishonlaymiz.
Oltinoy RAHIMBOYeVA, 53-maktab oʻquvchisi.
YaNGI YIL TABRIGI
Assalom, Amu elim,fidoiy xalqim,
Yuragim ardogʻi, qadrdonlarim.
Sizga ehtiromim sizga hurmatim,
Sogʻinch-la sizlarga salom yoʻlladim –
Yangi yil muborak, aziz yurtdoshim!
Shukr, yangi yilga yetib kelibmiz,
Kimlar yetdi, kimlar armonlarimiz.
Eski yilda qolsin, afsuslarimiz,
Bu yil sogʻliq yili boʻlsin ilohim –
Yangi yil muborak, qadrdonlarim.
Zarhal harflar-la eski yilimiz,
Yoziladi oʻchmas tarixlarimiz.
Yaxshi-yomon kunlar, shukurlarimiz,
Yurtimni omonda saqla Allohim,
Yangi yil muborak, mehribonlarim.
Orqangga qarab qoʻy, oʻtgan umringdan,
Rozi boʻldingmi ayt, oʻzi-oʻzingdan?
Koʻngling toʻldimi, ayt savoblaringdan,
Hammasiga guvoh qodir Xudoyim,
Yangi yil muborak, jonajonlarim.
Tabriklab qoʻydingmi yaqinlaringni,
Sen uchun duoda oʻtirganlarni
“Kelib qolar”, deya kutganlaringni,
Sendan rozi boʻlsin barcha iloyim,
Yangi yil muborak, doʻst-u yorlarim.
Duolarimdasiz, yuragimdasiz,
Bir zum unutmadim, fikr-u yodimsiz,
Iymonim, vijdonim, nomus-orimsiz
Kindik qonim tomgan jonim Mangʻitim –
Yangi yil muborak, sogʻinganlarim!
Jumagul YuNUSOVA.
Tilak
Bu hayot tashvishlarin bir chetga surib,
Doʻstim, kel, yashaylik biz ham quvonib.
Yoningda farzanding chopqillab yurar,
Axir bormi dunyoda shundan ortiq baxt.
Ota-onang bordur yoningda sening,
Oltinga teng duosin olasan har kun.
Sevganing ham goʻzal, qara baxtiyor,
Faqat sen xomushsan, nega doʻstginam?
Shunday yaralgan-ku axir bu hayot,
Gohida achchiqdir, gohida shirin.
Shunday baxtimiz bor nega noliymiz,
Shukrona qilmoq ham baxt erur butun.
Munira KARIMOVA,
42-sonli maktab oʻquvchisi.
Men ham burun olov edim...
Toʻqayda yurgan tulporday,
Tutqich bermas xayollarim.
Koʻzlari oʻtkir burgutday,
Oyni koʻzlar orzularim.
Men ham burun olov edim,
Mehnatdan topdim nonimni.
Endi esa nochor boʻldim,
Hech kim soʻrmas ahvolimni.
Keksalik ogʻir dard ekan,
Yoshlikning qadri bilinar.
Allohim shunday yaratgan,
Oʻylarim qogʻozga toʻkilar.
Shomurod SAIDOV,
Toʻlqin ovuli.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
